بدوي .. وأفتخر ..

بسم الله الرحمن الرحيم




بدوي .. وأفتخر

[صورة غير متوفرة]



1-ابدوي(ن) بالبداوه أفتخرْ = للكرم عِنوان واصْل(ن) للعَرَبْ
2- شامخ(ن) بالراس ما يَوْم انْحَدَرْ = وعايش(ن) بالعزّ وان كنت ابْكرَبْ
3- ما قِواني الوقْت بسْلاح الفقر = وما غَواني ابليس بسْلاح الطرَبْ
4- ولا لبست الجنز في ابْلاد الحضر = ولا شربت الكاس مَعْ مَنْ هُوْ شرَبْ(1)
5- من نخاني يبْشِر ابعزّه حَضَر = نخوتي مالِي ولو كلّ(ن) خَرَبْ
6- ومن بغاني بالضرَر قبرَه حَفَر = مِن رداة الفِكْر مِن مُوته قَرَبْ
7- عزّتي في الناس فخْري .. والقدِرْ = ما يدَنّسْ لَو جَلا عِمْرِي اقْتَرَبْ
8- ولا قنَبْ سِرْحان في اقْصُور النظر = وشاعت العتْمات ما نجْم(ن) غَرَبْ(2)
9- والوحُوش اتْهُوشْ ما هِبت الخطر = واثق الخَطْوات ما قلْبِي اكْتَرَبْ
10- اكتسيت الحرّ شمس(ن) كالجمر = والتحفت البرد بعظامي زرَبْ(3)
11- وما شكيت الوقت لو سيفه حَمَر = وما بكيت الجرح لو دَمّي سَرَبْ(4)
12- في صحارَى نجْد شيّدت القصر = ومن السموم القيظ مَلّيت القِرَبْ
13- ومع عجاج الوقت حدّيت البصَر = حتى شفت الصيد .. ما عنّي هَرَبْ
***=***



ـــــــــــــــــــــــــــــــــــــــــــــ

(1)- الكأس : كناية عن الخمر.
(2)- قصور النظر : ضعفه وانحساره كناية عن ظلام الليل.
(3)- أ- اكتسيت : لبست ، ب- زرَب : دخل .
(4)- سرَب : سال .

*نظم :

* عاشق الحقيقة
النشر هنا :
4/8/1431هـ

صح لسانك ويحق لنا نفتخر

عاشق الحقيقه صح لسانك


قصيده رائعه من روائع فنك المنتثر


تحيتي

مشكوور والله يعطيك العافيه

صح لساااااااانك
وحلو التهميشات كني أطالع كتاب النصوص
هههههه

لاهنت يالقرم

صح لسانك ويحق لنا نفتخر

العتيبي فالح ، مرحبًا بك ،،،

وصحّ بدنك ..


ومَن لم يفتخر بأصله ؛ فقد شطب على كرامته بيده .. !؟

وشكرًا لك على طيّب حضورك ..

عاشق الحقيقه صح لسانك


قصيده رائعه من روائع فنك المنتثر


تحيتي

بناخي الأيداء ، مرحبًا بك ،،،

وصحّ بدنك ..


ولقد ازدادت جمالاً بحضورك الجميل ـ أيها العزيز ـ ..

ويكتمل ويجمل ما أكتب وأسطّر حينما يعطّره حضورك أنت وأمثالك ..

وشكرًا لك على حضورك الراقي ـ أيها الغالي ـ ..

ومودّتي

مشكوور والله يعطيك العافيه


معاذ العتيبي ، مرحبًا بك ،،،

والله ، يحييك ، ويعافيك ..

وأشكرك على حضورك الطيّب ..

صح لساااااااانك
وحلو التهميشات كني أطالع كتاب النصوص
هههههه

لاهنت يالقرم


فهد على العازمي ، مرحبًا بك ،،،

وصحّ بدنك ، واعتلى قدرك ..


( أجل جعلنها ـ يا أبو علي ـ بالتهميشات كتاب نصوص ، وكيف عاد لو كانت القصيدة بالفصحى لتطابقت مع كتب النصوص ) :)
>> أضحك الله سنّك ، وأسعد قلبك ..

وشكرًا لك على حضورك الطيّب ـ أيّها الطيّب ـ ..

ودمت ـ يا النشمي ـ