27-Mar-2005, 10:39 PM
يسعدني أن أقدم هذه القصيدة وآمل أن تحوز على رضاكم و موضوعها
(كنت في أحدى المجالس بحضور عدد كبير من الشعراء و راهنوا على
ان اكتب قصيدة في الفكس آر ويختاروا لي القافية وأن لا تقل عن 30 بيت)
راكب اللي جايبينه من قراشه=أبيضً ما فيه طقات ونقايش
مشتراه ولا دفع راعيه كاشه=غير من شان اللوازم والطرايش
شوفته تحط فالقلب انتعاشه=تنعشه لو كان فيه الهم عايش
من تحلا فيه جا فيه اندهاشه=من ركونه لزوايا للدرايش
ان قفيته كن زوله زول باشه=باشةً من كثر ما فالبنك طايش
وأن نطحته كن وجهه مع حشاشه=وجه قرمً من شديد الهوش هايش
يوم قام يلوفهم والنصر شاشه=لا تعزوا روحو قدمه طشايش
أبيض من الشاش وابيض من قماشه=لمع بديه برق بمزونً رهايش
وارد الفكس آر يوم القرم ناشه=كنه أصيلاً يسابقله كدايش
فزته ما بين نظره وارتماشه=فزت اللي تحته الداب إيتهايش
لا سرا والليل جا فيه انغماشه=يطوي دياراً عليه الليل غايش
المصور لو يقوي في فلاشه=نوره اقوى من قويات الفلايش
المراتب كن فيهن انتفاشه=بافخم الخامات صنعت والنقايش
والأزره حجمها كبر الفراشة=داخل الكشنات زراته فرايش
كن طبلونه مع الديكور شاشه=ولفت العداد لفات الغوايش
ان مشى ما فيه هزه وإرتهاشه=لا عطى مع حزم ولا مع حشايش
ما قعد فالنفد والارض الهشاشه=نعنبوا من صممه ضد الهشايش
مع صحاح القاع يا زين اجتراشه=ما تخثع فالعقوم وفالولايش
ما تشوف اللي بمرحانه خياشه=شاويً من دون شبك غنمه هايش
ديرةً فيها الوناسه والبشاشة=الحزوم بعشبها الاخضر فرايش
والنسايم تنعش القلب انتعاشه=والغيوم مغيمة والراس شايش
والطيور مع السماء فيها اندلاشه=والرعد والبرق والمزن الرهايش
المطر يرش وجلالٍ رشاشه=والخباري من المطر قامت تطايش
سعد منهو حط فالعبلة فراشه=وشب ناره لين شعلتها تشايش
ما فزع للحزم يجمع في قشاشه=حط سمراً ما يبا معه قشايش
وذاق فنجالً يزيل هموم جاشه=بنن أشقر ريحته تجلا الغشايش
والسوالف جات والشعر ونقاشه=مع خويً للوفا والطيب حايش
قرم شروا زيد كل الطيب حاشه=بالوفاء والعز والتقدير عايش
ما نخاوي مروجت هرج ووشاشه=جاحدين الطيب مروجة الوشايش
خمةً اقلوبهم فيها غشاشه=ما يكبون المنافق والمرايش
وانتهي بعلى النبي صاحب عكاشه=يا صلات الله عد رش الرشايش
مع تحيات مشاري بن رفاعي النثري
(كنت في أحدى المجالس بحضور عدد كبير من الشعراء و راهنوا على
ان اكتب قصيدة في الفكس آر ويختاروا لي القافية وأن لا تقل عن 30 بيت)
راكب اللي جايبينه من قراشه=أبيضً ما فيه طقات ونقايش
مشتراه ولا دفع راعيه كاشه=غير من شان اللوازم والطرايش
شوفته تحط فالقلب انتعاشه=تنعشه لو كان فيه الهم عايش
من تحلا فيه جا فيه اندهاشه=من ركونه لزوايا للدرايش
ان قفيته كن زوله زول باشه=باشةً من كثر ما فالبنك طايش
وأن نطحته كن وجهه مع حشاشه=وجه قرمً من شديد الهوش هايش
يوم قام يلوفهم والنصر شاشه=لا تعزوا روحو قدمه طشايش
أبيض من الشاش وابيض من قماشه=لمع بديه برق بمزونً رهايش
وارد الفكس آر يوم القرم ناشه=كنه أصيلاً يسابقله كدايش
فزته ما بين نظره وارتماشه=فزت اللي تحته الداب إيتهايش
لا سرا والليل جا فيه انغماشه=يطوي دياراً عليه الليل غايش
المصور لو يقوي في فلاشه=نوره اقوى من قويات الفلايش
المراتب كن فيهن انتفاشه=بافخم الخامات صنعت والنقايش
والأزره حجمها كبر الفراشة=داخل الكشنات زراته فرايش
كن طبلونه مع الديكور شاشه=ولفت العداد لفات الغوايش
ان مشى ما فيه هزه وإرتهاشه=لا عطى مع حزم ولا مع حشايش
ما قعد فالنفد والارض الهشاشه=نعنبوا من صممه ضد الهشايش
مع صحاح القاع يا زين اجتراشه=ما تخثع فالعقوم وفالولايش
ما تشوف اللي بمرحانه خياشه=شاويً من دون شبك غنمه هايش
ديرةً فيها الوناسه والبشاشة=الحزوم بعشبها الاخضر فرايش
والنسايم تنعش القلب انتعاشه=والغيوم مغيمة والراس شايش
والطيور مع السماء فيها اندلاشه=والرعد والبرق والمزن الرهايش
المطر يرش وجلالٍ رشاشه=والخباري من المطر قامت تطايش
سعد منهو حط فالعبلة فراشه=وشب ناره لين شعلتها تشايش
ما فزع للحزم يجمع في قشاشه=حط سمراً ما يبا معه قشايش
وذاق فنجالً يزيل هموم جاشه=بنن أشقر ريحته تجلا الغشايش
والسوالف جات والشعر ونقاشه=مع خويً للوفا والطيب حايش
قرم شروا زيد كل الطيب حاشه=بالوفاء والعز والتقدير عايش
ما نخاوي مروجت هرج ووشاشه=جاحدين الطيب مروجة الوشايش
خمةً اقلوبهم فيها غشاشه=ما يكبون المنافق والمرايش
وانتهي بعلى النبي صاحب عكاشه=يا صلات الله عد رش الرشايش
مع تحيات مشاري بن رفاعي النثري
