تعبت اكتب

تعبت اكتـب ولا في يـوم كفّـتني كتـاباتي = مشاعـر بالفـرح واحـزان والآهـات مكتـوبه

كتـبـت ايّام ويّا شهور ويّا سنـيـن آهـاتي = ولاعـبّـرت عـن مابي كـما النيران مشبـوبه

مسكت الدمع في عيني وتتـلعثم عبـاراتي = لأن الرجـل مايشكي صعيـبه يـبدي عـيـوبه

أنا في داخلي إنسان في نـفسي وفي ذاتي = حـقوق انسان بالعالم غدت ذا اليوم مسـلوبـه

أنا كيف ادّعي الإسلام واعلن في نداءاتي = وانا ظالم كما فرعون اجيب الصوره مقلوبه

وانا لاهي مع الظلاّم تـالي الليل سهراتي = وغيـري مايـنام الليـل خـوفه ضـيّـع دروبه

يشوف اطفاله مذبوحه وياكـثـر المناحاتي = واذا كبّـر دنـا يـومـه علـيـه النـار مصبــوبـه

أنا كيف اعـبد الشيطان دايم في مـزاراتي = أعـيـش الشـرك وايّـامي بهذا العمر محسوبه

أنا كيف اصبح الخاين غريبٍ في ولاءاتي = أخـون بـلاد ربـّتـني وهـي بالحـيـل محبـوبه

لازم افكّر بالنهايه واتفكّر بانتماءاتي = واعرف اللي خلقني حق وافتح عين معصوبه

..


صح لسااااانكـ شاعرنا المبدع


عبد اللطيف الفضلي


ولا هنت...

صح بدنك اخوي محمد الذيابي

وامل تعديل البيت الاخير بحذف انا لازم زائده اول البيت مشكورا

صح لسااااااااااااانك

صح بدنك اخوي عايض

صح لسانك لاهنت,,