سلامي رديةٍ من شاعر ٍ ما يلين ... !
فيصل الثبيتي18-Jun-2005, 06:48 PM
بسم الله نبدأ ...
سلامي رديةٍ من شاعر ٍ ما يلين !=في حلة اهل الوفا .. في حلة اهل الكرم
يا ربعي اللي يبا يلعب يمد اليمين=سلم العرب والعرب ما تلتفت فالعجم
ماجد الهذلي18-Jun-2005, 07:22 PM
الله الله يالفيصل
منتظرين ربعك
ومتااابعين
ماجد الهذلي
ناصر بن محمد العتيبي18-Jun-2005, 08:01 PM
طيب طيب
الله يحيك يالفيصل
بين ربعك واخوانك
ناصر بن محمد العتيبي18-Jun-2005, 08:05 PM
استلم يالقرم
يامرحبا يالمسلم والله اللي يعين = محيي هشيم الغضى محيي هشيم السلم
اربط حزامك ونا وياك علمٍ يقين= يالله عسى مايخيب ابك الرجاء والعشم
مرزوق حمدان العتيبي18-Jun-2005, 08:06 PM
...
سلامي رديةٍ من شاعر ٍ ما يلين !=في حلة اهل الوفا .. في حلة اهل الكرم
يا ربعي اللي يبا يلعب يمد اليمين=سلم العرب والعرب ما تلتفت فالعجم
كفو كفو يالفيصل..
مبدأ رائع ونحن في انتظار الشاعر الاخر..
مرزوق حمدان العتيبي18-Jun-2005, 08:08 PM
استلم يالقرم
يامرحبا يالمسلم والله اللي يعين = محيي هشيم الغضى محيي هشيم السلم
اربط حزامك ونا وياك علمٍ يقين= يالله عسى مايخيب ابك الرجاء والعشم
الله الله
مبدع كالعاده ياناصـــر
الصفوووف نحن على موعدٍ من التألق.
تحياتي
ناصر بن محمد العتيبي18-Jun-2005, 08:09 PM
ساتواجد بعد ساعه
مشوار زمان وقي
على قولتهم
ناصر بن محمد العتيبي18-Jun-2005, 08:14 PM
يابو محمد ماعليك
زود وماهذا الى قليل
من الكثير الي عندكم
لاوصيك فالصفوف
لاهنت يالمدير
ابو بادي18-Jun-2005, 09:18 PM
بسم الله الرحمن الرحيم
بدايه طيبه من شاعرين اطيب
والله ماندري في صف من نلعب
لكن ها المره نبي صف الفيصل والى الامام
ناصر بن محمد العتيبي18-Jun-2005, 10:14 PM
هلا
يابو بادي
وماعليك زود
وجودك هو المكسب
لاهنت
فيصل الثبيتي19-Jun-2005, 01:30 AM
ماجد .. مرزوق .. ابو بادي
الله يحييكم واسعدتني جداً مشاركتكم وتواجدكم
وان شاء الله ترون ما يسرّكم ...
الفيصــل
فيصل الثبيتي19-Jun-2005, 01:33 AM
يا مرحبا والله يا ناصر
لابد ما نستفيد من اللعب معك
استلم لا هنت /
إلك البقا يا عميلي والسوالف تزين=لكنّ موترك لا يصدم .. ولا ينصدم
ما نختلف يا ابن عمي فالكلام الثمين=والرجل ما يخطي الدرب ، ويسج القدم
الايداء119-Jun-2005, 01:35 AM
اأخي ناصر وين اللعب الليله ولك الشكر .
ناصر بن محمد العتيبي19-Jun-2005, 02:20 AM
افهم وميز طريقك خل قلبك فطين=ونا بفضل الولي بالدين فكري ملم
يالفيصل اقول لك بالله حالف يمين=اما طلعة الطويله جاك فرك الخشم
ناصر بن محمد العتيبي19-Jun-2005, 02:21 AM
اخوي الايداء
سرا الليل لاكن القابله خير انشاءالله
نورت الصفحه
فيصل المسعودي19-Jun-2005, 04:14 AM
المبدعين ناصر بن محمد والفيصل تحيايت لكم وواصلوا.
المهنّــــد19-Jun-2005, 08:06 AM
لاهنتــــــــم وعلى القوّه
واصلــــــــــــوا وحنّـــا متابعين ومستمتعيـــن.
فيصل الثبيتي19-Jun-2005, 02:25 PM
خلووووووووها
وشلون اميز كلامك وانت ترطن رطين=يمّا تقول الكلام الزين ... والا انكتم
لو انك جبت القشر تبشر بسمن وسمين=ما اخطي على صاحبي لوّه يدس اللغلم
ناصر بن محمد العتيبي19-Jun-2005, 11:06 PM
لاتنفعل ياصديقٍ في بدايا السنين=ماحرك الكوره الى كود شوت القدم
جنا نعس الديار وكل علمٍ يبين=ونخيل برق المزن في روس عال القمم
ناصر بن محمد العتيبي19-Jun-2005, 11:11 PM
الابداع اكتمل بوجودك
لاهنت يالقرم
المهند
نورت الصفحه
ومتابعتك شرف
ماجد الدغيلبي20-Jun-2005, 12:01 AM
الله الله
محاوره من الوزن الثقيل
متااااابع
ناصر الفيصل
فيصل الثبيتي20-Jun-2005, 01:41 AM
المسعودي .. المهنّد .. ماجد
كل الشكر لتواجدكم ومتابعتكم ... شيٌ يسعدنا ...
الفيصــل
فيصل الثبيتي20-Jun-2005, 01:43 AM
اخوي ناصر .. سرا قاف القدم الله يعافيك
مير استلم لا هنت /
لو انك تزيدها جيتك ... وجنبي متين=لكني بشفق على مثلك شفوق الخدم
فلان يومه وصل ماهو برجلٍ امين=حطوه قاضي لكنّ الصدق ؟ هو متهم
ناصر بن محمد العتيبي20-Jun-2005, 02:17 AM
يالفيصل ونا اخوك دريت
لاكن ماتنتعدل اللحين راح الوقت
اهتم بالوزن ياذيبان
وستلم
اشعيل عقب الهدير امهجرعن بالحنين= ذاق العصى والقساء عقب الهدير وخدم
افلان يحكم بحكمه وله عقلٍ رزين=اليا تفاهم فهم وليا تخاصم خصم
ناصر بن محمد العتيبي20-Jun-2005, 02:20 AM
متابعتك شرف
يالدغيلبي
لاهنت يالقرم
فيصل الثبيتي20-Jun-2005, 03:04 AM
الخطا فالكتابة وانا اخوك ...
استلم الله لا يهينك /
اشعيل لو زاد حمله ما يعرف الونين=وانته لو انحمّـلك (كرتون) راح العظم
افلان لوّه يشيل الشعره إمن العجين=يبشر بحبة خشم .. وايداه عند الشحم
مرزوق حمدان العتيبي20-Jun-2005, 01:41 PM
...
الله ا الله بداع ليس له حدود
اقول لكم على القوّه ..
واشكركم على روحكم الطيبه.
لاعدمتكم ...
ناصر بن محمد العتيبي20-Jun-2005, 02:39 PM
الله كبر الله كبر
استلم يالذيب
ياللي نصبت الكمين وطحت وسط الكمين=من زود حملك تضايق ماتحصل نسم
اللي يبى العز قدره وسط قلبٍ وعين=واللي يبيها قشر قله تراه انهزم
ناصر بن محمد العتيبي20-Jun-2005, 02:41 PM
مرزوق العتيبي
الابداع دليله وجودك
والروح طيبه وواجب
اسعدني كثيراً مرورك
لاهنت
فيصل الثبيتي20-Jun-2005, 04:33 PM
الله اكبر ...
صح لسانك يا ناصر
استلم /
الذيب يا صاحبي ما ينمسك باليدين=
لكنّ حملك جعلك اتقارنه بالغنم !!
اللي يجينا امتغطرس نصفقه فالجبين=
والعين تبكي ندم .. والكف يرفع علم
فيصل الثبيتي20-Jun-2005, 04:41 PM
يا هلا والله بـ مرزوق
متابعتك ...
وحضورك ...
وتشريفك ...
غاية ما نتمناه .. يعطيك العافية يا رب
الفيصــل
ناصر بن محمد العتيبي20-Jun-2005, 05:15 PM
صح بدنك
واستلم
مانته بماشي يالين اذوقك ضربتين=والذيب ذيب الليالي لاتضايق جهم
الكبر لله وخير الناس له ساجدين=والطيب للاهل الشيم..والظلم للي ظلم
فيصل الثبيتي20-Jun-2005, 07:14 PM
خلوووها
اعوذ بالله من نزغة ابليس اللعين=يقول امسك هالولد واذبحه ذبح البهم
يالله يا علّك يا ابن عمي من الراكعين=وانته كفو للشحم .. وانته كفو للحم
فيصل الثبيتي20-Jun-2005, 07:17 PM
كل الشكر والتقدير
لكل من شاركنا في هذه المحاورة
والتي استمتعت بها كثيراً مع
الشاعر / ناصر بن محمد
الله يعطيه العافية .. ويطول بعمره
وإلى لقاء آخر 000
الفيصـــل
ناصر بن محمد العتيبي20-Jun-2005, 08:39 PM
الفيصل
البدايه والنهايه من عندك
مايصير لاكن تستاهلها ولو ان فيها:mad:
على العموم بيض الله وجهك
ومحاوره شيقه معك
لاكن مثل ماوصيتك
لاهنت يالقرم
اخوك
فيصل الثبيتي20-Jun-2005, 10:13 PM
يا ولد عمي
ما به الا العوافي الله يطول عمرك
وحنا يد وحده فالبداية والنهاية ...
والدعوة فلة حجاج وسعة صدر ...
ونحمد الله اننا استفدنا منك
والمقبلات فيها خير ان شاء الله
ووجهك ابيض يا ذيبان
و السموحه لو اخطينا عليك ...
الفيصــل
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
