(( ريــق ســـارة )) ... تلذذ بالغزل !!

هيّض ابن حصيص في تالي نهاره = ألف قاف ٍ في ضميره مدلجاتي
ياوجودي وجد مكسور الجباره = آخذ ٍ تسعين ليله مايباتي
أو وجود اللي خذا الحاكم دياره = خذ حلاله والحريم مسلّباتي
عقب ماهو تاجر وراعي أماره = صار فلاح ٍ واموره هيناتي
أرتحل يا فهيد منبوز الفقاره = آركي وحبال كوره كالفاتي
آركي ومربّع ٍ عشب القراره = ما علاه الشد من عشر سنواتي
ديرة الوشم ما فيها صقاره = غير شيبان وعجز محندباتي
من خشوم اكميت لي حد الزباره = جعل تمحل والوشوم مربعاتي
صاحبي بالوقف مدهاله وداره = ما سكن في ثرمدا والاّ مراتي
ولعتني بالهوى والزين ساره = دلهتني عن غنادير البناتي
يا حسايف بنت ذاك الجار ساره = عند ابوها تدّرج مثل المهاتي
ريق ساره مثل ( غند ) في غضاره = أو حليب ابكار عرب مسمناتي
والنهيد زبيدي ٍ في دعب قاره = في محير الماء القراح مصلّعاتي
والثنايا قحويان في زباره = زاهي نبته على كل النباتي
راس ساره ذيل شقراً وسط غاره = والجدايل بالرشوش مجدلاتي
والمطوع لو يشوف خديد ساره = طبّق المصحف وعجّل بالصلاتي
ما ذكر جار ٍ ذبح بالحب جاره = بالمبيسم والثنايا المرهفاتي
حالف ٍ ما نسى ولااسلى حب ساره = كود اهل شقرا يخلون الصلاتي
لايمي فاله حنيش ٍ في مغاره = سمّها يشظى العظام الصالباتي

للشاعر : محمد بن فهاد القحطاني ( ابن حصيص )

قصيده جزله وجميله
صح السانك والسان شاعرها
وتشكر يالنويري

الاخ النويري

احسنت الاختيار قصيدة رائعه

صح السان الشاعر ابن حصيص القحطاني

النويري

صح السانك ولسان قايلها

قصيدة جزله وجميله

تحياااااااااااااااتي

صح لسان الشاعر
وسلمت يمينك يالنويري
نقل جميل وذائقه اجمل

صح لسان شاعرها


ولاهنت يالغالي



تحيااااااااااااااااااااااااااااااااااتي