قصيدة للشاعر الكبير/ محماس بن شميسان

حنـا نعبـد الله ونكفـر بالاصنـام =ياعابـد الاصنـام مـا انتـه بمنـا
نبينـا المبعـوث والديـن الاسـلام =وكتـابٍ آيـاتـه لـنـا يشفعـنـا
وحكامنا افضل من على الارض حكام =الحكـم فينـا عـدل والاصـل منـا
هذا الصحيح اللي بعيد عـن الاوهـام =ياسامعـيـن الـقـول ردوه عـنـا
اليـا نـزل سـوق المفاهيـم سـوام =حنـا لنـا مـن عرشهـن خضعنـا
تفسيرنـا مافيـه راجــع وقــدام =تجـاربٍ منهـا العقـول اثمـرنـا
من واقـع المعقـول هاتـي يالايـام =مانقـبـل الــزوده ولاتنقصـنـا
الله عطى المخلوق مقيـاس الاحجـام=بالميـز لابالقـول حـنـا وحـنـا
لو قيل ابـن مالـه تميـز فالارقـام =الا الفعـول الـيـا تمـيـز بهـنـا
ان كان مالـه يـم الامجـاد درهـام =يمـه تـرى الامجـاد مادرهمـنـا
التبـع مايشفـي هـداده ولـو حـام =لـو ماكـره منـه الحـرار ندرنـا
والا العديم اللي علـى الطلـع جـزام =اليـا شهـر عـود يمينـه محـنـا
وهايبٍ من مقدرة مجـري الانسـام =مخلوقـةٍ ماهيـب قولـة لـو انــا
مفاخـرٍ ماهيـب توقيـع الاخـتـام =علـى الفعـول نفوسهـن يشهـدنـا
الفـارق اللـي فالمهمـات لاقــام =يـردن بـه الهقـوات ويصـدرنـا
اللي عصابـة راس للكـود وحـزام =وقدمـه ليـا قـام الكبـار صغرنـا
ماهوب لو طول قسى الوقـت لـوام =حبلـه عـن العـد الرهـي ماتثنـا
عن طاعة الله في هوى النفس ماهـام =وعنـده مزايـا المرجلـه حضرنـا
قاسي على القاسي وياصل للارحـام =ويصبر وينفق لـو ظروفـه قسنـا
يحفي على تحقيـق الامجـاد الاقـدام =وعن قضي حاجـة قاصـدة ماتجنـا
في منهجه مرسوم من غيـر رسـام =عشـق الـعـلا وادراك تحقيقهـنـا
طبعٍ خلقه الله معه مجـري الاحكـام =خصايـلٍ يصبـح ويمسـي بهـنـا
ماقال انـا جـدي بماضيـة الايـام =ضمن الجموع اللي غزو مـع مهنـا
لحقت جدك كـم وكـم شـي مـادام =ويـن الكـلام الواقـعـي لاتمـنـا

محماس بن شميسان