نبذه عن الفارس مناحي بن مديبغ الغنامي

بسم الله الرحمن الرحيم
اللهم صل على محمد وعلى آله وصحبه أجمعين
وبعد
اسمه ونسبه:
مناحي بن مديبغ بن بشار من المباشره من قبيلة الغنانيم من ذوي عطيه.
بعض من بطولاته:
كانت هناك معركه بين ذوي عطيه وقبيلة حرب وكان قائد حرب الفارس ضاحي العفيش وحين بدأت المعركه دخل وشق الصفوف وتقابل مع ضاحي وعمره 18 سنه وطرحه من فوق فرسه ووقف على صدره وقاله مثل ما اطلقت قشعان نطلقك هالحين ,

ورجع بفرس ضاحي العفيش وقال فيه عمه قصيده مايحضرني منها
الا هالابيات:

انا احمد الله يوم جات شعيه = يوم(ن) صياح الجماعه صاحي
جابها اللي ماتجيه السيه = من قدم منكبها طرح لي ضاحي

ومن بطولاته
يقول عباس النصيف رحمه الله:
كنا مغيرين على قوم نبا حلاهم ويوم قربنا منهم وهم يبدون بالرمي وكل اخذ مكانه وقام يرمي وابطانا نترما لا زحفناهم ولا زحفونا يقول وهو يقوم مناحي ويركب فرسه ويتوجه للقوم بشلفاه ويقول :اللي يبا القوم مايرمي,,
يقول عاد عباس النصيف:يوم توجه للقوم وحنا نلحقه ونشتبك معهم وحنا نطردهم وناخذ حلالهم ..
وفاته:
مات له 13 ولد في حياته وتوفي رحمه الله في الحكم السعودي وعمره فوق المئة عام , وعقب له ولدين : بجاد رحمه الله, و ضيف الله حفظه الله

رحم الله ابا علي واسكنه فسيح جناته وعفى عنه


ملاحظه
(من لديه تكمله للقصيده من قبيلة الغنانيم او ذوي عطيه فليكتبها )

ودمتم بصحه وعافيه

والنعم فيه

مشكور وماقصرت

والله وسبعه انعام فيه..

يستاهل الطيب والله الفارس مناحي..

مشكور ع المعلومات..

والنعم بربعنا الغنانيم وبعتيبه كافة


لاهنت على النقل الموفق

ونعم بالغنانيم عيال العم

قبيله غنيه عن التعريف

اشكر كم اخواني وماعليكم زود واشكرك اخوي غيمار
اخوكم
الغنامي

ونعم بالغنانيم وبيض الله وجهك

اشكر الجميع على المرور ولاهنتوا

تعقيباً على ما ذكره الاستاذ غيمار ...

يقول لي احد شيبان الغنانيم نقلاً عن الفارس الشيخ متاحي بن مديبغ

لم يكن ابو علي (مناحي بن مديبغ) يفرق بين كبير وصغير في الكرم وكان يعطي الغنايم اول المستقبلين له من كبار السن والصغار ...

ويقول لي شيخاً كبير في السن كنت في زمن الفارس في اول عمري وكنت حين ذاك شقي جداً وكان احد اعمامي قد توعدني عندما غضب مني فتوجهت الى مناحي بن مديبغ في مكانه وقلت له انا دخيلك من عمي ...........فنادى عمي بصوتاً مرتفع جداً بقوله ( سنه وشهرين ) وهذه العباره مشهوره عند عتيبه ان دخيلهم يضل سنه وشهرين في حماهم الى ان تنقضي تلك المهله ....


رحم الله الشيخ والفراس مناحي بن مديبغ وجميع المسلمين


تقبلوا احترامي للجميع...