خاص للجوازي

والا يالجوازي كان عندك سواليف =تهرج بعد ما تشرب الشاذلية
نبا قوة المعنى على حدة السيف=معاني تجي وتروح وهيه خفية

هلا هلا فيك يااباغيث


تزين السوالف لجل عين المواليف=ليا صارت الحزه تعدت عشيه
لكن المعاني تندفن فالمضاريف=ولاتعرف المغزى خديجه وميه

بيض الله وجهك يالقرم وأستلم


بعد زانت الطبخة وعود لي الكيف = أبا سج رجلي فالديار الغنية
وابا ابدي على روس الجبال المشاريف= جبال المحبة والعلوم الندية

يالو طالت الطرقه نعود مناكيف=ولاعنك نستغني يانجد العذيه
ترى الشعر بحر ماحسب للمغاريف=ولا فيه تثر الرياح العتيه

يالجوازي مع التقدير لك الشطر الرابع مكسور ولا أعلم يمكن هناك نقص في الأحرف أثناء كتابة البيت أو خلافة أرجو ملاحظة ذلك


أنا من ثمان أسنين وأن قلتلي كيف=رماني زماني في حياض المنية
هجرني مليح الوجة روح ولا شيف = ولاكن أنا ظني يعود عليــــــــه

ولا فية تنثر للرياح العتية

ياباغيث لاهنت حرف الثاء مشدود



ليا غاب عن عينك جميل التواصيف=بليه عليك امن البلاوي بليه
ولكن لاتكثر عليه التحاسيف=وتصبح حياتك يالعتيبي هنيه

علم يالجوازي وانت أبيض وجه أول وتالي واتمنى تجمعني بك محاورة مباشرة وأستلم يالقرم


ولا كن في عيني خيالة كما الطيف=يراود عيوني فالضحى والمسية
ولوقلت ابا اصبر يانشاما وابا عيف = ابا أكذب على نفسي ونفسي شقية