لماذا المقاطعه ياخوان

ليش المقاطع ياعتيبه ماكنكم مني وفيه=ومطير سارت مع خطاكم ياليل ياليل السهارى

صابر على مر الغليبه ماحد يلد العين فيه=ارسل ولاادري وش بلاكم ياليل ياليل السهارى



يالربع ارسل بيوت كذا ليله لشعار كبار في المنتدى ولاخرين في مستواي

ولااجد مجيب مادري العيب في بيوتي والا الشعراء مايتنازلون يلعبون على ابياتي اوانهم معلنين المقاطعه معي يظنون انني من الدانمركيين

ياسلطان الجذع وصاهود ويا اخرين تنازلوا لنا ترى ماحد جا من بطن امه عالم والهدف التسليه لا اكثر ولا اقل ثم بينوا لي سبب مقاطعتي لماذا ارسل بدعتي كل ليله وتسفهونها هل من سبب

اخو العيال


من يقاطعك كلنا اخوانك



ياللي دخل خاطرك ريبه..عان العرب والنار حيه=كلن يهلي من غلاكم ..ياليل ياليل السهارى
في دار عز ودار هيبه .. مار البلا فالمعنويه=غيومكم غطت سماكم..ياليل ياليل السهارى

شفت الجفا شفت المصيبه00ارسل ولاردواعليه00ماكنني داحل حماكم ياليل ياليل السهارى


هذي على مثلك غريبه0عزيمتي دايم قويه00ماجا العرب يالذيب جاكم

ياليل ياليل السهارى

هذي حقيقه والمصيبه=ارسل ولاردوا عليه=لكن مادري وش بلاكم= ياليل ياليل السهارى


هذي على مثلك غريبه=عزيمتي دايم قويه=ماجا العرب يالذيب جاكم= ياليل ياليل السهارى

بين البعيدة والقريبه..والصامله والفهلويه=خارت مع الطرقة قواكم ياليل ياليل السهارى
ترى الجبل يوحيك ذيبه ..من عصر ناويك فيك نيه=ان كان ربي ما هداكم.. ياليل ياليل السهارى

ماانته لابو زيد الطليبه=هون على روحك شويه=ياضلع يامهون حصاكم=

ياليل ياليل السهارى



مايفجع الطرقي قنيبه=فا لصبح والا فالمسيه=لكن قلي وش وراكم=

ياليل ياليل السهارى

قبل امس في حاله صعيبه.. ومقيـّـلً في وسط فيـّــه=ومن العنا بيـّح خفاكم ..ياليل ياليل السهارى
لي صاحبً فتشت جيبه..مابه كثير ولا بليه=ياهل الوفا تكرم لحاكم ..يايل ياليل السهارى

ماانته بداري بالكتيبه=خوي مايعرف خويه=ياربنا يسعد مساكم=ياليل ياليل السهارى


حامي الحما يقلون ذيبه=غدا بكل الجامكيه=نظارتك زادت عماكم= ياليل ياليل السهارى

صح لسانك هنا واستلم الطاروق هناك

صح بدنك وين بالضبط