@ فوااااز@
الصاطي,,19-Jun-2009, 09:18 PM
مسا الخير
الليل يا فوااز يا راع الدنادش والوشاح=يا للي لقيت الاسكريم وجزت من دون الشحم
استاقها وطلق رسنها لا تقيل فالمراح=واسرح مع اهل البل لا تلحق مداوير الغنم
ابو لمار19-Jun-2009, 09:22 PM
ههههههههههههه
الله الله الله يالساطي
صح لسانك مليووون
بدايه كايفه
في انتظار ابو عايش
وصح لسانه مقدما
والصف خندفي مايحتااج
متااابع
فواز السعيدي19-Jun-2009, 09:28 PM
طيب طيب
الليل يالصاطي ياراع الحذف معزول السلاح = ياللي تفتّش عيبة الفقران وتمصّ العجم !!
حمّاية الميقاف ماترجع ليا حان الكفاح = الله يبيّض وجه رجلٍ للّوازم محتزم !!
فواز السعيدي19-Jun-2009, 09:30 PM
هلا يابو لماااااااااااااار
لاخلا ولا عدم يابعدي
الصاطي,,19-Jun-2009, 09:35 PM
الله الله
ما عاد معكم يا لهذيلي لا مجي ولا مراح=ايدينكم فجيوبكم وسنونكم مثل الفحم!!
مدري متى نسمع مناديكم ينادي ع الفلاح=حتى نقول الارض مرضيه ولدنيا طعم!!
فواز السعيدي19-Jun-2009, 09:53 PM
ههههههه
ياسلام
بالله وشبك صرت مثل الطير مكسور الجناح ؟ = ترى الزمن مايبتسم لك لين وجهك يبتسم !!
ودّك تخاوينا وخوّتنا مهي ضحك ومزاح = فرعون بنّاي الهرم مدفون في جوف الهرم !!
الصاطي,,19-Jun-2009, 10:03 PM
الله الله
يا ليت ابن عايش تحرك مثلنا ولا استراح=ترى الوجود اللي على الا شي نوع من العدم
ولله ماخاويكم ولا لي في مخاوكم صلاح=انا خوي المسلمين اللي يزورون الحرم
فواز السعيدي19-Jun-2009, 10:09 PM
الله الله
الحاضر النّاضر كما ماقيل واللي راح راح = ان جاتك الاولى سلم فالثّانية ماهي سلم !!
وش عاد اسوّيبك ما دام انّك ورى صخرة رزاح = خلّك ورى الصخرة وبيت الله من النّاس ازدحم !!
الصاطي,,19-Jun-2009, 10:28 PM
طيب طيب
اليا لقيتك فوق الارض اسقيتك السم الذحاح= يمكن لو انك شفتني تقعد تلوى بالسلم
اليا زدحم بطن الحرم نطلع على السطح المتااح= اهم شي انا مانسجد في تهامه لصنم
عيد العازمي19-Jun-2009, 10:32 PM
الله الله
صحة السنتكم
الصاطي وفواز
هنا ابداع معهود منكم
فواز السعيدي19-Jun-2009, 10:38 PM
الله الله
انكانها شيفتك تفجع ..!! كيف لا جالك صياح ؟ = نقرا على الشيطان بالاذكار حتى ينكتم !!
ياكمّ فارس قال انا راع العبيّه ثمّ طاح = مدري ضميره خادعه ولا طمع حمر النّعم !!
فواز السعيدي19-Jun-2009, 10:42 PM
العااااااااااازمي
انت استاذ الابداع يابعدي
لااااااااهنت
الصاطي,,19-Jun-2009, 10:48 PM
ههههههههههههههه
اليا دخلك الخوف لا تقرب مروين الرماح=من زين وجهك عاد يا فوااز يا وجه الندم!!
انا بنيت احلام ربيعي بالتقدم والنجااح= ونته دفنت احلام ربعك كلها تحت القدم!!
الصاطي,,19-Jun-2009, 10:49 PM
ابو لمااااااار
العازمي
تسلمووووووووووون ع المتابعه
فواز السعيدي19-Jun-2009, 10:58 PM
الله الله
الزّين كلّه فيك يانورٍ مثل نور الصّباح = "كذّب " .. و " صدّق " عاد بصرك .. مانبا نقسم قسم !!
بالله لامنّك هرجت اهرج بمنطوقٍ مباح = الله يخلّي شيخكم مادام في قلبه نسم !!
صقر جعيد19-Jun-2009, 10:58 PM
الله الله
صحة السنتكم
الصاطي وفواز
مبدعين !!
فواز السعيدي19-Jun-2009, 11:01 PM
اهلا وسهلا بالصقر
لاااااااااهنت
فواز السعيدي19-Jun-2009, 11:14 PM
الصاااطي ,,
المبدع داااائمااا
صح لساانك والى اللقااء
تصبحون على خير
الصاطي,,19-Jun-2009, 11:24 PM
الله الله
فواز مدام التفت للمزح ماعندي مزاح=والخير كله فيك ونته فيك روح وفيك دم!!
انعاش ابو زيد الهلالي مالكم غير الجراح=وان مات ابو زيد الهلالي جيتك اشيل العلم
الصاطي,,19-Jun-2009, 11:26 PM
الصاااطي ,,
المبدع داااائمااا
صح لساانك والى اللقااء
تصبحون على خير
الابدااااع كله عندك يا فوااااز
مع السلامه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
