محاورة ملفي المورقي والعير (رحمه الله)

من أجمل المحاورات الشعرية...
وشاعران لايختلف عليهما اثنان..





عبدالله العير (رحمه الله)




والطرف الآخر :)




أبووافي (ملفي المورقي)




إلى المحاورة...


العير:


والذي فضل المطران في كل حزّه
ماغدى لي ورى العتبان لو كيس مزّه
عاين العير قدمك ناطحه لاتقزّه
جعل في الامر خير ..وجعل في الامر خيره
________________________________
حنّا هل الردات في يوم الاخير=قومٍ توطى مايجي قدامها
مفالي الصمّان من فلى بها=واللي عقد روس الحبال يحلها



ملفي:


انت حطيت ربعك في محل الصحابه
مير هوّن ترى ربك شديدٍ عقابه
وارجع الذاكره واذكر فعايل عتابه
جعل في الامر خير وجعل في الامر خيره
______________________________
اخذ المخده وانسدح فوق السرير=ترى الجزيره دونها حكامها
لاتلمس الجمره ولامشهابها=واللي عقد روس الحبال يحلها



العير

الله اللي مفضلنا عزيز الجلالي
حطنا فوق روس العالم اول وتالي
الله انه يسهل دربكم ياخوالي
جعل في الامر خير وجعل في الامر خيره
_____________________________
حكومة السودان دهورها البشير=يومين يبغضها ويوم يرامها
في تالي الايام وش سوى بها=ومسيلمه كذاب ومحمد نبي



ملفي


انت في المدح ماشاء الله رسام لوحه
مير يوم ان جالك فيه جيّه وروحه
ويش قال المثل قلي بمدّاح روحه
جعل في الامر خير وجعل في الامر خيره
____________________________
عيرٍ طويل ورافقه عيرٍ قصير=اسبيع فيهم نعنبوا من لامها
لكن شب النار ياشبابها=ومسيلمه كذاب ومحمد نبي




العير:

يالله انك توفقنا طريق السلامه
لين نآصل بلدنا مالحقنا ملامه
نازل القصر ماينزل خراب الهدامه
جعل في الامر خير وجعل في الامر خيره
______________________________
لابنشر التاير مشينا بالسبير=تبا تجملنا على صدامها
والله ماتقعد وانا ركابها=ومسيلمه كذاب ومحمد نبي



اخوكم فرهودي

فرهوي
شكرا ...
شكرا ...
الله يعطيك العافيه....
والله يرحم العير....
تحياتي

مشكور يا أخ فرهودي

ورحم العير

وا اطال الله في عمر المورقي

محاورة راائعه جدا

اخوك