ويالجّ قلبي لجّ سرب ٍ من الميراج

ويالجّ قلبي لجّ سرب ٍ من الميراج=ليا أصدّر الأوامر قايده وأعلن الغاره
مع الفجر الأول عاد ضوح السفر ماأنباج=تحرّك وتعداده ثلاثين طيّاره
وياوالّله اللي غلّق الصبر مايحتاج=ولوكان عيني بأول الوقت صبّاره
هواجيس قلبي بالدقيقه تجيه أفواج=وعيني شقاويه والأفكار محتاره
تخالف همومي مثل ماتختلف الأمواج=على شاطي ٍ مابين فرضه وعبّاره
توارد وترد القلب من كل فجّ وفاج=وتقبل عليّ أمواج مع ريح صرصاره
ليا اشتد صلف النّود والبحر هاج وماج=تسوقه على الشاطئ عواصيف جبّاره
غريب ٍ ومشتاق ٍ وشفق ٍ على المنهاج=وسود الليالي تخلف الظن غدّاره
وجودي على شوف المحبّين يافرّاج=وجود الكسير اللي دنو منه بجباره


حمد هادي المسردي -رحمه الله

مشكووووووووووووووور ما قصرت

رحم الله الشاعر حمد المسردي ورحم الله اموات المسلمين , وصح السانة ولسانك ياعيال الشايب

واعذرني على تنسيق القصيدة , حبيت انسق قصيدة حمد لانة من ناساً غالين


والله لايهينك