مشغول بالي

قــــالوا علامـك قــــلت مشغـول بـالي = من بعـد شـفت الزين مـا ني بمرتاح
من طــول فكري بـه سهــرت الليالي = واصبحت من ذكره كما طير نواح
ياليت يدري ويش صـــــار وجــرالي = مــــا كان يتركني مـعـــذب ولا راح
نار الحشا من وجد روحي تصــــالي = مـــا كن جوفي غير مطعـــون برماح
كلـــه سـبايب شـــوق ظـبي بـدا لـي = اشغـــل حياتي لين صارت بلا راح
مـحبــوبي اللي ضحـكتــه در لالـي = مـــــا ظنهـا ألا بـرق خـاطف ليـا لاح
والخـد مثـل الشمس وقت الـزوالــي = يوضي لمن يســر الليـالي ليـا شــاح
في وســط خــده نـوع حمره وخالي = مـــــا كنـه إلا ورد صـــافي وتفــــــــاح
والرمش فــوق العيـن مثــل الظــلالي = يظــلل المـحبــوب عـن كـل لـفـــاح
والعـــــــــين بـحـرٍ واســـعٍ به لـــــــوالي = يغــرق بــه الـولـهــان لــو كـان سباح
ريقــه عســـل مخـلـوط ســـكر وحـــالي = والطيب كـــادي والعـرق ورد فــواح
والجـــيد شــكـلـه مثـــل عنـق الغــزالي = والشعــر مثـــل الليل ما بعده إصباح
ويش آبا أوصف في عجـيـب الـدلالي = تصعــب تواصيفــه على كــل مداح
يـا نــاس قــولــوا لــه يخــل التـغـــــــالي = مـــــا ينـفـعـــــه والله لـعبـه بــالارواح
إمـــــا يقـــــابـل شـــوقي الـه بوصـــــالي = ولا يخــل القـــلب يـا نــاس سـواح
مــــــا ني عقب فرقــــــا حبيبي بســــالي = اثر الهــوى من جد قــاتل و سـفـاح

ماني بعد فرقا حبيبي بسالي
----- اثر الهوى من جد قاتل وسفاح

الله عليك ياشوك
قصيده فوق الوصف صح لسانك
واستمر ابداعك..
سعداء با انضمامك ... وكلنا شوق
للقادم من مشاركاتك..
اخوك.

ويش آبا أوصف في عجيب الدلالي ...تصعب تواصيفه على كل مداح
صح لسانك ..علي هالقصيده
وننتظر جديدك

بعيد المرامع

كله سبايب شوق ظبي بدا لي=اشغل حياتي لين صارت بلا راح
محبوبي اللي ضحكته در لالي=ما ظنها ألا برق خاطف ليا لاح
والخد مثل الشمس وقت الزوالي=يوضي لمن يسر الليالي ليا شاح
في وسط خده نوع حمره وخالي=ما كنه إلا ورد صافي وتفاح
والرمش فوق العين مثل الظلالي=يظلل المحبوب عن كل لفاح
والعين بحرٍ واسعٍ به لوالي=يغرق به الولهان لو كان سباح
ريقه عسل مخلوط سكر وحالي=والطيب كادي والعرق ورد فواح
والجيد شكله مثل عنق الغزالي=والشعر مثل الليل ما بعده إصباح
ويش آبا أوصف في عجيب الدلالي=تصعب تواصيفه على كل مداح

صح لساك على هذا الوصف



وننتظر جديدك

صح لسانك وبيض الله وجهك

صح لســـانك ...

وسلم بوحـــك ...

مصافحة ولا أروع ...

وقصيدة في قمة الروعة ....

نتمنى المزيد والمزيد من إبداعاتك ...



تحياااااااااتي

صح لسانك عزيزي وسلم بنانك
وننتظر جديدك..................................