ياسلامي عليكم ياكرام السبال..
متعب المقاطي العتيبي31-Dec-2010, 02:54 AM
مرحبا بالرجال الي تعز الرجال= في حلالً تزيد الطيب طيب وفخر
ودنا بالعلوم الطيبه والجزال=والمعاني سراها يوم والا شهر
خلف المطيري31-Dec-2010, 02:56 AM
متعب المقاطي العتيبي31-Dec-2010, 02:58 AM
دقايق لو سمحت
تفضل طال عمرك
خلف المطيري31-Dec-2010, 03:06 AM
الله الله
خلوووووووووووووووووووووووووووها
البقا يالمرحب والفخر لايزال = ماتقوله حقيقه يالعتيبي واقر
ويش اباخذ وابعطي والمعاني ثقال = كل ماسد حفره اكتشف لي حفر
متعب المقاطي العتيبي31-Dec-2010, 03:10 AM
الله يحيك ياخالف واستلم لاهنت
بعد ماجابك الله ياكريم السبال=ودي انشدك حيثك شاعراً معتبر
لبسوك العمامه لبسوك العقال=واخدعتك المظاهر ياطويل العمر
خلف المطيري31-Dec-2010, 03:20 AM
الله الله
خلوووووووووووووووووووها
الحرام اش تبيبه خل زادك حلال = كل حسنه رددها يالمقاطي عشر
كان هاذي علومك مابقالي مجال =كيف ابقنع قصيرين المدي والنظر
فهد الشهيب الثبيتي31-Dec-2010, 03:32 AM
الله الله
متعب وخلف
صحت السنتكم
متابعين للابداع
متعب المقاطي العتيبي31-Dec-2010, 03:32 AM
ماوردنا يكود العد عداً زلال=مير يابعد لندن عن حدود الخبر
ليت رد الاجابه حسب نص السؤال=وانت كلمتك هذي خوف والا سطر
متعب المقاطي العتيبي31-Dec-2010, 03:33 AM
الله الله
متعب وخلف
صحت السنتكم
متابعين للابداع
فهد الشهيب شرفت اخوانك
خلف المطيري31-Dec-2010, 03:33 AM
هلا وغلا يابوعواض
مبروك الوسام تستاهل
خلف المطيري31-Dec-2010, 03:44 AM
خلوووووووووووووووووووووووووووووها
يالمقاطي نصحتك | ماطلبتك ريال = والنصيحه سلامه ماتسما خطر
لاتسرع وتخطي خل مشّيك عدال = الاجابه اوصلت لك من طرفنا عصر
متعب المقاطي العتيبي31-Dec-2010, 03:51 AM
ياعسا الله يبارك فيك روح وتعال=قبل شريان قلبك ياخلف ينفجر
الاجابه ركيكه قدم هاك الجبال=واختموها عساكم يالمطيري ذخر
:
:
خلف العارضي شرفت اخوك
عسى الله يبيض وجهك
الختام عندك ياطويل العمر
خلف المطيري31-Dec-2010, 03:54 AM
ياعسا الله يبارك فيك روح وتعال=قبل شريان قلبك ياخلف ينفجر
الاجابه ركيكه قدم هاك الجبال=واختموها عساكم يالمطيري ذخر
:
:
خلف العارضي شرفت اخوك
عسى الله يبيض وجهك
الختام عندك ياطويل العمر
احلا ختام وصح بدنك وصح السانك
وشرفت اخوك
لاهنت
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
