05-Jul-2011, 03:08 AM
السلام عليكم ورحمة الله وبركاته
قصيدة تشرفت بالقائها في حفل زواج / طارق العضياني
ويسعدني ان انقلها لكم لعلها ترقا الى مستوى الذائقة
ياهل الرياض اللي بلدكم وصلناه =أن كان فيكم من يعرف المباني
ياقف لمطلوبي على كل رجلاه=ويضمن لي الطرقة وياخذ ضماني
اللي يسوي في معروف بجزاه=ولاني بناسي فضله اللي كساني
انا غريب وديرتي ظلم وحجاه= بالله عليكم وين قصر التهاني
انتم عليكم قولو القصر هذاه =وانا علي اجيب للي دعاني
زواج طارق موعده كيف بنساه= وانا ماعده غير حسبة خواني
الصاحب اللي ماتعدد مزاياه =راعي العلوم الطيبات الحساني
ان قلت قرم وتكسب الطيب يمناه=قالو طبيعي في طويل اليماني
وان قلت يقبل والكرم في محياه=قالو طبيعي في عريب المجاني
وان قلت في عال السما شاد مبناه =قالو طبيعي في سهيل اليماني
قلت أحسن اخلي علومي مغطاه=مالي ومال اللي يعجز لساني
جده وابوه الللي على الطيب رباه=ماني بمحصٍ سيرته في ثواني
وربعه هل الميقاف والوجه والجاه=في نجد ولا في ربوع المحاني
عضيان اهل حدب السيوف المحناه=روس الرجال مزبنة كل جاني
لاجاء نهار غيمة الموت تبراه =برقه سيوف ورعده الجبخاني
فرسان خيل وقاسية حيل ورماه=يثنون دون القود شرف الاذاني
مع درب منهو يفزع الترك طرياه=لاسمعو اسم الضيط جاهم جناني
الاسم وافي والخصايل موفاه=والفعل ثابت من قديم الزماني
شوخ على كل المشايخ مبداه= تارد على الهيه عيانٍ بياني
يشهد لهم عمهوج يوم الملاقاه=ويشهد لهم في نجد قاصي وداني
وسلااامتكم
قصيدة تشرفت بالقائها في حفل زواج / طارق العضياني
ويسعدني ان انقلها لكم لعلها ترقا الى مستوى الذائقة
ياهل الرياض اللي بلدكم وصلناه =أن كان فيكم من يعرف المباني
ياقف لمطلوبي على كل رجلاه=ويضمن لي الطرقة وياخذ ضماني
اللي يسوي في معروف بجزاه=ولاني بناسي فضله اللي كساني
انا غريب وديرتي ظلم وحجاه= بالله عليكم وين قصر التهاني
انتم عليكم قولو القصر هذاه =وانا علي اجيب للي دعاني
زواج طارق موعده كيف بنساه= وانا ماعده غير حسبة خواني
الصاحب اللي ماتعدد مزاياه =راعي العلوم الطيبات الحساني
ان قلت قرم وتكسب الطيب يمناه=قالو طبيعي في طويل اليماني
وان قلت يقبل والكرم في محياه=قالو طبيعي في عريب المجاني
وان قلت في عال السما شاد مبناه =قالو طبيعي في سهيل اليماني
قلت أحسن اخلي علومي مغطاه=مالي ومال اللي يعجز لساني
جده وابوه الللي على الطيب رباه=ماني بمحصٍ سيرته في ثواني
وربعه هل الميقاف والوجه والجاه=في نجد ولا في ربوع المحاني
عضيان اهل حدب السيوف المحناه=روس الرجال مزبنة كل جاني
لاجاء نهار غيمة الموت تبراه =برقه سيوف ورعده الجبخاني
فرسان خيل وقاسية حيل ورماه=يثنون دون القود شرف الاذاني
مع درب منهو يفزع الترك طرياه=لاسمعو اسم الضيط جاهم جناني
الاسم وافي والخصايل موفاه=والفعل ثابت من قديم الزماني
شوخ على كل المشايخ مبداه= تارد على الهيه عيانٍ بياني
يشهد لهم عمهوج يوم الملاقاه=ويشهد لهم في نجد قاصي وداني
وسلااامتكم
