أأقرب شاعر
فهد بن ضاوي العازمي29-Jul-2011, 02:39 AM
سلام ياهل المنتدى وأهل الطيب****تسليمةً فيها الوفاء والشكاله
عتيبه الهيلا رجال المواجيب****الطيب ميراثه من أهل الأصاله
فلاح الواهبي الشهراني29-Jul-2011, 02:51 AM
يامرحبا ترحيبة الذيب بالذيب=اقولها عن قوم طاله وقاله
نبا علومك فوق رووس المراقيب=واللي ورد للجم جهز حباله
& محمد خالد القحطاني &29-Jul-2011, 02:55 AM
الشهراني صح لسانك
والله مادريت انك بترد جا في وقت واحد
فلاح الواهبي الشهراني29-Jul-2011, 02:55 AM
هلا بك يامحمد وصح لسانك ايضا
فهد بن ضاوي العازمي29-Jul-2011, 03:01 AM
دام البقابك ياكثير التراحيب****يالشاعر اللي وجهتك بالعداله
ابشر بعزك ياطويل الأشانيب****والطيب اللي ماندور بداله
عبدالله جبارالعتيبي29-Jul-2011, 03:03 AM
اناماشفتكم رديتو ورديت لاكن توقيتنا واحد
والميدان للأول
فلاح الواهبي الشهراني29-Jul-2011, 03:08 AM
ياولد ضاوي دوك في راسي الشيب=والمرجله ماهي تجي بالسهاله
الكم مواجيب وعليكم مواجيب=يالشاعر اللي معجب(ن) في ضلاله
فهد بن ضاوي العازمي29-Jul-2011, 03:10 AM
يامرحبا والطيب ماعنه تجنيب=بأسم الرجال اللي قدرهم لحاله
عتيبة اكرام اللحى والاشانيب=والله يعز أهل الحكم والعداله
هلا يامحمد القحطاني معليش والله أني ماشفت ردك لين أقتبست المشاركه ولا ماكان اجيب الوقفات اللي في بيتي الثاني وحقك على يالذيب
فهد بن ضاوي العازمي29-Jul-2011, 03:17 AM
ياولد ضاوي دوك في راسي الشيب=والمرجله ماهي تجي بالسهاله
الكم مواجيب وعليكم مواجيب=يالشاعر اللي معجب(ن) في ضلاله
الشايب مقدر ولايلحقه عيب****والعز يعرف من مسمى رجاله
حنا ترانا نحتفي بالأجانيب****نقدم الحايل بطيب وجزاله
فلاح الواهبي الشهراني29-Jul-2011, 03:27 AM
الشايب الليله يبا رمي(ن) يصيب=والا يبا يلحقك ضربة عقاله
ابنلك بيت وحطله مجلس وسيب=والواهبي يعطيك من حر ماله
فهد بن ضاوي العازمي29-Jul-2011, 03:36 AM
الشايب الليله يبا رمي(ن) يصيب=والا يبا يلحقك ضربة عقاله
ابنلك بيت وحطله مجلس وسيب=والواهبي يعطيك من حر ماله
منته بداري لو على راسك تجيب****ذا طير ابن برمان وشهو جراله
البيت واقف بالعمد والأطانيب****والواهبي مدهور حالته حاله
فلاح الواهبي الشهراني29-Jul-2011, 03:50 AM
ياليتني سريتها من على الجيب=يالصاحب اللي مدته من شماله
ياوجد روحي للشعر والاساليب=والا الهبيل الله يبعد هباله
صح لسانك وتشرفنابك والى اللقاء
فهد بن ضاوي العازمي29-Jul-2011, 03:53 AM
صح بدنك وبيض الله وجهك
ماتشوف شر
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
