محاوله شعريه ارجو من محمد الجعيد او اي شاعر تقييمها

السلام عليكم ورحمة الله وبركاته اخوي محمد انا يشرفني انك تنقد القصيده واذا فيها كسر قولي لاني مااعرف الوزن بشيل البيت اعرف اللي يجي على لساني وفيه ناس يقولون لي لازم تغني البيت وسامحني لاني ماعرف تنسيق القصيده = حييت يابرق ن لمع في سحابه = اسقى مطرها عقب شح المواريد = ارخى على جرد الفيافي ثيابه =لاما زهت بالوانها صفحة البيد =الله رفع قدره وعلا جنابه = سبحانه اللي شيد الكون تشييد= من بعد ماطول علينا غيابه = جانا كما العاده بليا مواعيد = علامة الوافي يشوم الوفابه= مايخلف النيه على غير توكيد = وعلامة العاقل يميز خطابه = قدام تصبحله حبال الخطا قيد = والمومن اللي في ضميره رقابه = اليا هرج عن كلمة الصدق مايحيد =اشوف وقت اليوم فيه انقلابه = صار الخطا للناس عرفن وتقليد = قولو لبو قاري يراجع كتابه = لا يحفظ الايات من دون تجويد = طبع الرجل لوصى على شي جابه =وافي ولا ينقص بعلمه ولا يزيد =وطبع الرجل لافن شي وصخابه= ان ماحصله ماتجيه المناقيد= وياصاحبي ماهي علينا طلابه = لاتكثر الدعوى ولا تقول وتعيد = ان كان لك حقن نوفي نصابه = الحق دين وواجب الدين تسديد=

تم تنسيق القصيده ياغالي في ردي 000





حييت يابرق ن لمع في سحابه = اسقى مطرها عقب شح المواريد
ارخى على جرد الفيافي ثيابه =لاما زهت بالوانها صفحة البيد
الله رفع قدره وعلا جنابه = سبحانه اللي شيد الكون تشييد
من بعد ماطول علينا غيابه = جانا كما العاده بليا مواعيد
علامة الوافي يشوم الوفابه= مايخلف النيه على غير توكيد
وعلامة العاقل يميز خطابه = قدام تصبحله حبال الخطا قيد
والمومن اللي في ضميره رقابه = اليا هرج عن كلمة الصدق مايحيد
اشوف وقت اليوم فيه انقلابه = صار الخطا للناس عرفن وتقليد
قولو لبو قاري يراجع كتابه = لا يحفظ الايات من دون تجويد
طبع الرجل لوصى على شي جابه =وافي ولا ينقص بعلمه ولا يزيد
وطبع الرجل لافن شي وصخابه= ان ماحصله ماتجيه المناقيد
وياصاحبي ماهي علينا طلابه = لاتكثر الدعوى ولا تقول وتعيد
ان كان لك حقن نوفي نصابه = الحق دين وواجب الدين تسديد





صح لسانك

حمود مشكور بارك الله فيك كيف نسقتها

صح لسانك على هذه القصيده الجميله وانا اخوك

استمر ياغالي الرهافي والله يوفقك في دينك ودنياك القصيده عليها بعض الانتقادات البسيطه التي ربما انا قد اقع فيه اذا كتبت قصيده وانا عجل لكنها بسيطه لاتشوه منظر القصيده انصحك بالاستمرار

وارجوا منك الربط بين البيوت الاول والذي يله اشكرك على هذه الثقه واتمنى لك السداد والتوفيق

السلام عليكم ورحمة الله وبركاته

صح لسااااانك قصيده جزله وممتازه انا حبيت ابين لكن وشنهي الملاحظات


الملاحظات \ثقل في ثلاث ابيات فقط والثقل لايضر ماعليك منه ولكن ان كانت هذه بدايتك فماشاء الله تبارك الله .

استمر وانا اخوك وانا في انتظار جديدك وانصحك عدم الاستعجال

ياسلام مبدع يالرهافي


شاعر وفقك الله

تقبل ودي وتقديري

شاعر ومافيك حيله ياغالي

استمر وان شاء الله نشوفك من العمالقه