(ماهيب من برقا ولاهيب من روق) دورها يامرزوق

البارحه كني من الهم مخنوق=سلط علي الله همومٍ كثيره
هم الغرام اللي كوا كل معلوق= وغيره همومٍ مرمساتٍ خطيره
اثر الهوا شره على كل مخلوق=يوقد بقلب اللي مشابه سعيره
انا غرامي وحدةٍ كلها ذوق= ماهيب لا فاتن ولاهي سميره
اشوفها مثل القمر فالسماء فوق=فيها الجمال وبالوصايف نظيره
ريانةٍ بالعود والعنق منتوق=في خدها للخال حبه صغيره
عنقا شعرها فوق الارداف مفهوق= نوطا تضيع ابها الوصوف الكثيره
عفيفةٍ مادوجت داخل السوق= بنت الاصول اللي تحب الستيره
لقيتها قاهرةٍ الحشو للنوق= في ديرةٍ مامثلها ايات ديره
في خايعٍ نبته خزاما ورقروق=تنقل شحم من حلو عشبه فطيره
ووقفت مثل اللي على الخد مصفوق= مذهول من شوف المها المستذيره
حاولت اكلمها وابي علم موثوق= وسالتها يابنت وين الزبيره
قالت اضنك شخص فاضي ومطفوق=قلت العفو يابنت انا من عشيره
قالت توقع كل مطرود ملحوق=واقلط لبويه فالبيوت الكبيره
ودقيت سلف الجيب وازريت لاسوق= مدري علامي لكن اني بحيره
وعرفت وسم البل وانا اغيب وافوق=وامسيت مثل اللي عظامه كسيره
ماهيب من برقا ولا هيب من روق= من لابةٍ وقت المواجه شريره
واليوم ابنخا طيب الصيت مرزوق= ابيه يسرج كل قبا ظهيره
كوده يوفق بين عاشق ومعشوق= بالجاه والا بالسيوف الشطيره

لله درك ما اروعها من قصيده ابك والله العظيم اني اقوله صادق


يامرزوق دورها وابشر لك بخوي هذا وانا ابتلشنا



اخوك الفالح

صح لسانك يا عبدالعزيز

قصيده رائعه

صح لسانك يالشاعر/ عبدالعزيز

وننتظر رد مرزوق

وتقبلوا تحياتي

رائعه ستجر لها رائعة اخرى

صح لسااااااااااااااانك يا عبدالعزيز

قصيده تختال شموخا


ننتظر ردك يا مرزوق

ذيبان

عفيفـةٍ مادوجـت داخـل السـوق
بنت الاصول اللي تحـب الستيـره
لقيتهـا قاهـرةٍ الحشـو للـنـوق
فـي ديـرةٍ مامثلهـا ايـات ديـره


صح السانك والله يعين مرزوق

تحياااااااااااااااااتي

صح لسانك يا عبد العزيز وبيض الله وجهك على هالقصيدة العصما ولا تستغرب منك طال عمرك

لا كن لا تبخل علينا بالدرر عطانا كل يوم درة


وننتظر رد مرزوق


أخوك/ الحر الأشقر

الله الله ...

عز الله انها جزلة ويستمتع الواحد بقراءتها ...

لا عدمناك وصح الله لسااانك مليووون ...


وننتظر ابو محمد شاعرنا الكبير :) ...



تحياااااااااااااااتي

يالله فك نفسك يامرزوق ...
كوده يوفق بين عاشـق ومعشـوق
بالجـاه والا بالسيـوف الشطيـره

صح لسانك ياعبد العزيز !! الحقيقة كن القصيدة ماء بارد منحدر على رخام !! جزل وو صف ومعنى فلا فض فووووك !
بس ابي اسأل ياعبد العزيز وش لون تجي ريانة بالعود :rolleyes: ؟ فالعود مايَروي ولكن يُروى ! فتصير ريانة العود ....:) ماي بي ادخل على الله

صح لسانك مليار وازود
قريت القصيده عشر مرات وفي كل مره استمتع اكثر من التي قبلها ونسختها وكل من قرائها اعجب بها وهي اسئلة امتحان لشهادة الاستاذيه لشاعرنا مرزوق وعسى ان يوفقه الله ويمتعنا برائعة اخرى
بدعت يا ابو سعود

صح لسانك ياعبدالعزيز قصيده مبطين ماسمعنا مثله الله يعافيك على هالقصيد
وننتظر رد شاعرنا الكبير ابومحمد

بسم الله الرحمن الرحيم

عبدالعزيز

السلام عليكم ورحمة الله وبركاته


الله الله الله


ياااااااااااااسلام على الابداع والابداع يا سلاااااااااااام الله عليه


صح الله الساااااااااااااااااااااانك مـــــدد بلا عـــــــــــــــــــــــــــدد


قصيده من اعذب وأجمل القصااااااااااااااااااااااااااااااااااااااااائد


صوووووووووت عااااااااااااااااالي للشااااااعر مرزوق العتيبي


ولا شك سيكون للصدى عذوووووووووبة حيث أنه سيأتي من شاعر


كبير وشااااااااااااااعر من أروع الشعراء ..


عشت يا داهية الشعر (( عبدالعزيز ) وعااااش ( داهية الشعر ) مرزوق العتيبي


وفي انتظاااااااااااااااااااااار الصدى قريباً .. إن شاء الله


تقديري واحترامي


اخوك

خليل المطيري

....
اتعبت الشعراء من بعدك يابو ماجد..
صح لسانك مدد بلاعدد .. قصيده عانقت السحاب
وحلقت بها في عالم الابداع... بيض الله وجهك ..
وعسى الله يقدرنا على الرد والامر هذا يحتاج الى وقت
من خلاله نجمع كل المعلومات ونسخر كل الامكانيات .. في سبيل
الوصول الى هذا المحبوب :) صبرك علينا بس ..
تحياتي

الفالح لاهنت على مرورك
تسلم يابو فلاح
ايوالله افزع ودورها
لا تتركني فالمهمهيه
هههههههههههههههههه

المسري صح بدنك

الرائع ذوقك
لا هنت يالمسري

خلف بن مرزوق
صح بدنك
لا هنت يالغالي

ذيبان
صح بدنك
لاهنت ياذيبان

الدلبحي
صح بدنك يامدير
شكرا لمرورك

الحر الأشقر
الشاعر الفذ الشاعر العملاق
صح بدنك يالحر الاشقر
اشكرك على الاطراء الجميل
وهذي شهاده اعتز فيها من شاعر بحجمك
تحياتي لك ولنا لقا في المحاوره هههههه

الشاعر العملاق ابو مشهور
الحمد لله على السلامه
من طول الغيبات جاب الغنايم
شكرا لمرورك
والجزاله في ذوقك ياطويل العمر
شكرا لك ياوصل على مرورك

الوليد الاسعدي
ارحب اعجبني سوالك كثيرا
ونقدك بنا له وقعه في نفسي
لكن انا قلت ريانةٍ بالعود بمعنا ان عودها ريان
فاحيانا الواحد ينظر الى البيت من زاويه وحده ولا ينظر اليه من جميع الزوايا
لكي يفهم معناه كما اراد كاتبه
صح بدنك
والله لا يحرمنا من اهل العلم اللي مثلك

حقيقه قصيده اعجبتني ياعبدالعزيز نتمنى لك التوفيق ونتمنى المزيد لاهنت وعيال عمك ماراح يقصرون معك

الحمياني ارحب يابن العم
صح بدنك يالحمياني
شكرا لك على مرورك وتعطيرك لمتصفحي
تحياتي لك يالغالي

الشاعر القادم بقوه نايف الحميدي
صح بدنك يالغالي
وسلمت بس تراها يم قنيفذه ههههههههه
شكرا لك يانايف

الشاعر خليل ا لمطيري
انا يمكن اني عرفتك
انت ابو ابراهيم
صح بدنك يتخليل
لاهنت يالغالي على مرورك
تحياتي لك وتقديري

....
اتعبت الشعراء من بعدك يابو ماجد..
صح لسانك مدد بلاعدد .. قصيده عانقت السحاب
وحلقت بها في عالم الابداع... بيض الله وجهك ..
وعسى الله يقدرنا على الرد والامر هذا يحتاج الى وقت
من خلاله نجمع كل المعلومات ونسخر كل الامكانيات .. في سبيل
الوصول الى هذا المحبوب :) صبرك علينا بس ..
تحياتي


ارحب يابو محمد
صح بدنك يامرزوق
وتسلم على هالاطراء شكرا لك يابو محمد
لكن ان بغيت معلومات عن حلا لة القوم علمني ههههههههه امدك بالمعلومات قبل تغزي وقبل تسرج القبا
تسلم يامرزوق

قصيدة رائعه بمعنى الكلمه

هكذا القصيد الجزل


هكذا الابداع وإلا فلا

هكذا نريد قصائد الاعضاء

قصيدة قرأتها اكثر من مره فلم امل من قراءتها

فلك ياعبدالعزيز الشكر الجزيل على ما تتحفنا به من ابداع

تحياتي النجم المعتلي

انا اشهد انها جزله .. وانا اشهد انها جزله
وبيض الله وجهك ... على هالتحفة اللي اتحفتنا بها

وكل ماجيت انسخ بيت القا القصيدة كلها
من اولها لاتلاها ززززينة

ووصح لسانك .. وتقبل تحياتي

رعد الحجاز
تسلم وشكرا لك على مرورك
سلمت ودمت يابن العم

النجم المعتلي
سلمت يالغالي
الجزاله في ذوقك يالنجم
الله لايهينك
تحياتي

راعي المغاتير
لا هنت وصح بدنك
شكرا لك على الاطراء الجميل
تحياتي لك

صح لسانك ياعبدالعزيز

والله مبدع كالعادة

لاهنت يالغالي

تحياتي

صح لسانك ... عز الله وفيت وكفيت .. واسندت على من يستحق الاسناد ويجيد الرد بما يجاريها جمالا وروعه

صح لساانك ..

ابيات رائعه .. ومعاني جزله ..

مبدددددددددددددددع ..

ننتظر جديدك :

========

أسعدي الزلفي

صح لسانك ياعبد العزيز..................قصيده رائعه
وان شاء الله القصايد القادمه اروع واجمل

لانستغرب الجزاله من شاعر بحجمك
ياعبد العزيز صح لسانك.
وننتظر الصدى من مرزوق العتيبي.

اشوفها مثل القمـر فالسمـاء فـوق
فيها الجمـال وبالوصايـف نظيـره
ريانـةٍ بالعـود والعنـق منـتـوق
في خدهـا للخـال حبـه صغيـره
عنقا شعرها فوق الارداف مفهـوق
نوطا تضيع ابها الوصوف الكثيـره
عفيفـةٍ مادوجـت داخـل السـوق
بنت الاصول اللي تحـب الستيـره
لقيتهـا قاهـرةٍ الحشـو للـنـوق
فـي ديـرةٍ مامثلهـا ايـات ديـره
في خايعٍ نبتـه خزامـا ورقـروق
تنقل شحم من حلو عشبـه فطيـره



لا أملك الا ان اقول لك صح لسانك قصيدة تتقزم امامها القصائد

وووووووووووووويييييييييييييييييييين ممممممممممممررررززززززززوووق

صح لسانك عبدالعزيز قصيده جزله وقويه تقبل تحياتي الحاره لك.

ماهيب من برقا ولا هيب من روق
من لابةٍ وقـت المواجـه شريـره




الله عليك ياعبدالعزيز




رائع

كفوووووووووووووووووو يالحصان ماقصرررررت واعتيبه سداده للي تبي وافهم يالذيب

قمة الأبداع و الجزالة

صح لسانك مليــون ياعبدالعزيز

ولاهنت

تحياتي

صح لسانك يا عبدالعزيز

قصيده رائعه

عبدالعزيز صح بدنك ولاهنت .......

وبيض الله وجهك على هالفاتنه

تشرفت بمصافحتها

صح لسانك ياالشاعر الكبير (عبدالعزيز)
وننتظر الشاعر الكبير (مرزوق)
ونفتخر فيكم ياربعنا
اخوكم النفيعي_النير

فهد الشيباني
mohmmedot
اسعدي الزلفي
سهاج
المهند
البرقاوي
فيصل المسعودي
عيضه الثبيتي

تسلمون وصحت ابدانكم جميعا
شكرا لكم على المرور
تحياتي الحاره لكم جميعا

ياشباب وين رد مرزوق سنتين ولاشفنا رد عسى المانع خير.................

اويمكن في موضوع ثاني افيدونا جزاكم الله خير,,,,,,,,,,,,,,,,,,,,,

ياشباب وين رد مرزوق سنتين ولاشفنا رد عسى المانع خير.................

اويمكن في موضوع ثاني افيدونا جزاكم الله خير,,,,,,,,,,,,,,,,,,,,,


تفضل

http://www.alhaila.net/m/showthread.php?t=13617

قصيدة في خيال الابداع:rolleyes: :rolleyes: :rolleyes: :rolleyes: :rolleyes: :rolleyes: :)

الحر
تسلم يالغالي

صح صح صح السانك وماقصرت والله لا يحرمنه من جديدك