عبدالله الميزاني *الفهمي (هبة الحايه صبى)

عبدالحميد


مرحبا في مرحبا بالقريب والبعيد=في حلالا تكرم الضيف يوم يجي لها


كل شخص يريد والله يدبر مايريد=ابتدى ليل المعاني وهذا ليلها


الميزاني


البقا والشك ماهو مثل عين الاكيد=ليلة الجمعه فهم بالخطر ياويلها
هبت الحايه صبى وانثنى خضر الجريد=الله الله ياحلالاً تفك دخيلها


عبدالحميد


ليلنا جاب العطاوي وعبدالله وزيد=الثلاثة ثلةً قولنا من قيلها
هبت الحايه صبى من يصَد ومن يصيد=لاتخلى وانت عينك تخيل خيلها


الميزاني


يامسمي لك عرب من عرب وايش استفيد=إن لقينا المكحلة ما لقينا ميلها
ياعسى من مات منكم على التقوى شهيد=والمقابر معظمتها تنادي جيلها


عبدالحميد


أول الايام ما في البلاد إلا لبيد=لكن الدنيا دنت وامتلأ زنبيلها
لو نشد القاف غيرت من بعض النشيد=وانت خلك حولها لا تبرد حيلها


الميزاني


المنايا مرسلة وانت صندوق البريد=وأمكم نسمع دعاها ولا ندعي لها
كيف اشد القاف والبدو ماتطري الشديد=شيلها وإلا يجي لك ولد ويشيلها


عبدالحميد


المنايا مرسلة والشقي غير السعيد=وأمكم يومين وأهل اليمن تومي لها
الله اعلم بالمقاصد ويا بيت القصيد=المسيح إنجالها تحتفظ بنجيلها


الميزاني


العمار تبيد غير الجميلة ماتبيد=الله اكبر يافهم كيف يسري ليلها

مشكور على الاختيار يالغالي,,

معانيها غامضة جدا
والله حاولت افهم المعنى ما قدرت ؟

يا ألله..

سووووووووووار الذهب

مــاكذب ما أسماهـ ووشحــه بهذا اللقب..

لله درهـ..

الفهمي
شــــــــــــاعر محيد
ولكن تصنع الجناس والمقابله
لا تعود عليكـ ولا علينا بالفائــدهـ..

كُن بطبيعتكـ..
ولكـ تقديري..


صاحب الموضوع

ألف شكـــــــــــر لهذه الذائقــــــــــــه..

مشكور على الاختيار يالغالي,,

لاشكر على واجب يالغالي والله يعطيك العافيه

معانيها غامضة جدا
والله حاولت افهم المعنى ما قدرت ؟

وما المسئول أعلم من السائل والخبر اليقين عند .....

أشكر لك مرورك