20-Jan-2012, 01:02 AM
في عام 1428هـ أجرى الشيخ سلطان محمد العليمي عملية جراحية تكللت بالنجاح , وأقامت القبيلة احتفال بعد خروجه من المستشفى سالما معافى حين ذاك سائلين المولى عز وجل أن يديم عليه الصحة والعافية. وهذا ماقال الشاعر / ساير بن زبار الرياحي .
الا يالله عفوك والرضا ياحي ياقيوم = ولابه غيرك احد نطلبه ياعالم الغيبي
لك المظلوم يرفع دعوته ياناصر المظلوم = وعبدك في رجا يارب تحقيق المطاليبي
قسمت الرزق بين الخلق ذا معطى وذا محروم =عطيت ومن عطاياك الجسيمه سترك العيبي
وحنا ياوسيع المغفره راضين بالمقسوم =عقيده فالقلوب ولا دخلها الشك والريبي
الا ياهاجسي ما بيني وبينك عتاب ولوم = نويت اسري معك ياهاجسي من وين تسريبي
من الفرحه عيوني البارحه عيت تذوق النوم =وقلبي من سببها عذبه جر المساحيبي
وطلعت القلم باكتب على بيض الورق منظوم =عجزت اكتب ورديت القلم في داخل الجيبي
انا ابغى لا كتبت يكون شعري واضح ومفهوم = وبيت الشعر وزن وبحر والفاظ وتراكيبي
سرى ليلي مع الهوجاس مر اجلس ومر اقوم= اهندبب والضمير يصيح من زود الهناديبي
ولا يامل قلب يلحقه حزن وشقى وهموم =لياغنى وجر الصوت ناصر بن تراحيبي
وهذا اليوم كوم وباقي الايام عندي كوم =وانا معزب وارحب بالضيوف وبالمعازيبي
هلا يامرحبا ترحيبة برق ورعد وغيوم = على روس الرجال اهل الوفا واهل المواجيبي
تراحيبي عدد ماتطلع نجوم وتغيب نجوم = هلا باللي حضر من ربعنا واثني تراحيبي
هلا حييت يا شيخ القبيله يازعيم القوم =هلا بك عد ماجر العوا ذيب المراقيبي
عسا عمرك طويل وعشت ياسلطان يوم ودوم =لعل العافيه تغمرك ياعطب المضاريبي
ترى حبك ثبت وسط القلوب ولا عليه رسوم= نحبك يشهد الله مثل حب الزيز لكليبي
يدك مديتها بالطيب والمعروف يازيزوم =وانا ماني من اللي ينكر المعروف والطيبي
تغشاك التواضع للصغير وللكبير تقوم =وتسعى خلاف مطلوبه ولو مطلوبه صعيبي
حكيم الراي حلال العقود مزبن المضيوم = تحل المشكله بسياسه ومنطق واساليبي
ليا بتيت رايك مانخالف رايك المجزوم =وراي دون رايك ما حسبنا له عواقيبي
واذا صار الهدف يا شيخنا في خاطرك مرسوم =نجيبه لابغيته طيب والا بالمشاعيبي
ورجل مايقدر هيبتك فالمجلس المحشوم =يعقب مثل تعقيب الملك لمعمر الليبي
اذا هي بالعزايم فانت بالشده قوي عزوم =سندنا ياسندنا فالشدايد لا عوى الذيبي
وحنا ربعك الريحات لا جا فالعلوم علوم =نعصب الروس دام النار في روس المشاهيبي
نوردها على حوض المنايا والقدر محتوم =وناطا ماتهاب اقدامنا جمر اللواهيبي
نقدر من يقدرنا وفي وجه الخصوم خصوم =ولا نشرب لك الله غير من عذب المشاريبي
تدور ابنا دواليب الفلك في كل ليل ويوم= وسبحان الذي بيديه دورات الدواليبي
انام وكل مانمت يتوارد فالمنام حلوم = على ذا الحال صبح وليل تصبحبي وتمسيبي
تخاطفنا من سهوم البشر في كل عام سهوم =ويهل الدمع من فرقا الاهالي والاصاحيبي
وكم من عبرة رديتها لا وصلت الحلقوم = ثمان اعوام تكويني على جرد المحاديبي
الا ياقلب عز النفس عن بعض الكلام وشوم =واخذ عبره من اهل المعرفه واهل التجاريبي
ترى ماعاد فيها لاوصلك الموت حب خشوم =مخاطيف انتزاع الروح في روس الكلاليبي
تذكر يوم ينزل صاحبك في قبره المعلوم =لحاله في دهاليس اللحد تحت الطواليبي
اذا ما كان من رحمة عظيم المغفلره مرحوم =اكيد يذوب جسمه من عذاب النار تعذيبي
وصلى الله على خيلر العباد محمد المعصوم =نبي يذكر اسمه فالمآذن والمحاريبي
بعد عم الجهل في دوس والأوس وبني مخزوم= نزل جبريل فالغار وعطاه ازكى المكاتيبي
الا يالله عفوك والرضا ياحي ياقيوم = ولابه غيرك احد نطلبه ياعالم الغيبي
لك المظلوم يرفع دعوته ياناصر المظلوم = وعبدك في رجا يارب تحقيق المطاليبي
قسمت الرزق بين الخلق ذا معطى وذا محروم =عطيت ومن عطاياك الجسيمه سترك العيبي
وحنا ياوسيع المغفره راضين بالمقسوم =عقيده فالقلوب ولا دخلها الشك والريبي
الا ياهاجسي ما بيني وبينك عتاب ولوم = نويت اسري معك ياهاجسي من وين تسريبي
من الفرحه عيوني البارحه عيت تذوق النوم =وقلبي من سببها عذبه جر المساحيبي
وطلعت القلم باكتب على بيض الورق منظوم =عجزت اكتب ورديت القلم في داخل الجيبي
انا ابغى لا كتبت يكون شعري واضح ومفهوم = وبيت الشعر وزن وبحر والفاظ وتراكيبي
سرى ليلي مع الهوجاس مر اجلس ومر اقوم= اهندبب والضمير يصيح من زود الهناديبي
ولا يامل قلب يلحقه حزن وشقى وهموم =لياغنى وجر الصوت ناصر بن تراحيبي
وهذا اليوم كوم وباقي الايام عندي كوم =وانا معزب وارحب بالضيوف وبالمعازيبي
هلا يامرحبا ترحيبة برق ورعد وغيوم = على روس الرجال اهل الوفا واهل المواجيبي
تراحيبي عدد ماتطلع نجوم وتغيب نجوم = هلا باللي حضر من ربعنا واثني تراحيبي
هلا حييت يا شيخ القبيله يازعيم القوم =هلا بك عد ماجر العوا ذيب المراقيبي
عسا عمرك طويل وعشت ياسلطان يوم ودوم =لعل العافيه تغمرك ياعطب المضاريبي
ترى حبك ثبت وسط القلوب ولا عليه رسوم= نحبك يشهد الله مثل حب الزيز لكليبي
يدك مديتها بالطيب والمعروف يازيزوم =وانا ماني من اللي ينكر المعروف والطيبي
تغشاك التواضع للصغير وللكبير تقوم =وتسعى خلاف مطلوبه ولو مطلوبه صعيبي
حكيم الراي حلال العقود مزبن المضيوم = تحل المشكله بسياسه ومنطق واساليبي
ليا بتيت رايك مانخالف رايك المجزوم =وراي دون رايك ما حسبنا له عواقيبي
واذا صار الهدف يا شيخنا في خاطرك مرسوم =نجيبه لابغيته طيب والا بالمشاعيبي
ورجل مايقدر هيبتك فالمجلس المحشوم =يعقب مثل تعقيب الملك لمعمر الليبي
اذا هي بالعزايم فانت بالشده قوي عزوم =سندنا ياسندنا فالشدايد لا عوى الذيبي
وحنا ربعك الريحات لا جا فالعلوم علوم =نعصب الروس دام النار في روس المشاهيبي
نوردها على حوض المنايا والقدر محتوم =وناطا ماتهاب اقدامنا جمر اللواهيبي
نقدر من يقدرنا وفي وجه الخصوم خصوم =ولا نشرب لك الله غير من عذب المشاريبي
تدور ابنا دواليب الفلك في كل ليل ويوم= وسبحان الذي بيديه دورات الدواليبي
انام وكل مانمت يتوارد فالمنام حلوم = على ذا الحال صبح وليل تصبحبي وتمسيبي
تخاطفنا من سهوم البشر في كل عام سهوم =ويهل الدمع من فرقا الاهالي والاصاحيبي
وكم من عبرة رديتها لا وصلت الحلقوم = ثمان اعوام تكويني على جرد المحاديبي
الا ياقلب عز النفس عن بعض الكلام وشوم =واخذ عبره من اهل المعرفه واهل التجاريبي
ترى ماعاد فيها لاوصلك الموت حب خشوم =مخاطيف انتزاع الروح في روس الكلاليبي
تذكر يوم ينزل صاحبك في قبره المعلوم =لحاله في دهاليس اللحد تحت الطواليبي
اذا ما كان من رحمة عظيم المغفلره مرحوم =اكيد يذوب جسمه من عذاب النار تعذيبي
وصلى الله على خيلر العباد محمد المعصوم =نبي يذكر اسمه فالمآذن والمحاريبي
بعد عم الجهل في دوس والأوس وبني مخزوم= نزل جبريل فالغار وعطاه ازكى المكاتيبي
