مــــــــتــــــــــعــــــــــب القديري يـــــــطلب مــنصور الثبيتي ...

السلام عليكم ...


بعد طول الغياب وبعد الاختبارات ومشاكلها جيت اشوف الوجيه السميحه والطيبه ..


اليوم نبي الشاعر منصور الثبيتي اذا هو موجود واذا مهب موجود يجي اي شاعر ما نقول شي ...


بس ما نبي التأخر فالرد او الغياب بدون سبب لاهنتو ..


استلم يا الشاعر :

سلام يا اهل المراجل دونكم حالي = ودي بشاعر على الصعبات حلالي

من قو عزمه يجيب المر والحالي = بسدير انا جالس(ن) والنار ما تطفي

==


يا سلامي على اللي يسمعون الكلام = عد من جا يصلي في ظلام و نهار

كنت طالب ولكن راح وقت التمام = صرت عاطل وصار الوقت عندي دمار

صح الله السانك


والشاعر متصور يلعب ويا راشد


ليش طلبته شف غاره

صحح بدنك يامتعب ...!

شاعر مبدع لكن الليل سرا

وناا بلحق ارقد عشان الاختبارات ...!

الشعار واجد ونشالله بيننا قاف ..!

تحياتي ...!

صحت ابدان الجميع ...


طيب اللي حاضر من الشعار يبدع والملعبه قدامه لاهنتو ..

يامرحبا رحب وافي ماله امثالي=

من راس ضاري على الجزلات ياالغالي=

والمر جنب عنه ياطيب الفالي=

فالسيل يالذيب نار القوم ماتطفي=


مرحبا مرحبا ياللي ترد السلام= والسوالف نباها يافتى باختصار

دام حافز يغطي ماعلاك الملام= كل منه دام يمشي من طوال العمار

صحت اللسنتكم والله يبقيلنا ابو متعب

ويديم حافز ويمحي ساهر لان الي يجيبه حافز ياخذه ساهر وسبحان الله اسمائهم تتشابه تقريبا

ههههههههههههههههههههههههه

صدقت وصح بدنك ياالغالي ههههههههههههههههههههههه

متعب القديري استودعك الله ياالغالي ونكمل غدا ان شاء الله

يامرحبا رحب وافي ماله امثالي=

من راس ضاري على الجزلات ياالغالي=

والمر جنب عنه ياطيب الفالي=

فالسيل يالذيب نار القوم ماتطفي=


مرحبا مرحبا ياللي ترد السلام= والسوالف نباها يافتى باختصار

دام حافز يغطي ماعلاك الملام= كل منه دام يمشي من طوال العمار




اســـــــــتـــــــلـــــم :



معد فيها حوافز والزمن حامي = اما تدور شغل يا صاحبي سامي

ولا تريح مع الصبيان والشامي = بسدير انا جالسن والنار ما تطفي

=


والبقى يا المرحب بعد طول الكلام = دام موضوعنا ذا الليل يمشي بمسار

وضع حافز مميز بس شرطه صيام = قالو أصبر ثلاث شهور ياتي فطار

صحت اللسنتكم والله يبقيلنا ابو متعب

ويديم حافز ويمحي ساهر لان الي يجيبه حافز ياخذه ساهر وسبحان الله اسمائهم تتشابه تقريبا

ههههههههههههههههههههههههه




صـــــــــــــــــــح بدنك ...


لكن وين الغيبات يبن جعيد انا لعبت معك مريتين وانت انسحبت منها بدون عذر او اعتذار ...

اذا مالك نظر فاللعب معي اعتذر ترى الدعوى مهيب غصب ترى كلها لعب ونقاش لا اقل ولا اكثر ..

ههههههههههههههههههههههه اثرك شايلن بخاطرك اعتذر منك ياطويل العمر ويعلم الله اني ان غبت ماغبت الالظرف وليس تجاهلا لك ومع الانشغال انسى عتيبه كلها ماتباني انسى محراف هههههههههههه

صحت اللسنتكم مره اخرى والصف حفزاوي

صــــــــــــــــــح بدونك ...


واتشرف بواحد مثلك ياقف في صفي ...


لكن وين الشاعر ابطى علانا ..