عبدالحميد والشيخي_ والقرقاح والمجيريشي رباعيه موال

عبدالحميد الفهمي

اللهم صلي وسلم عل محمد نبينا = واحمنا اللهم واغفر لنا واستر علينا

وانصر المسلم وسلم ديار المسلمينا = والله اللي ينصر العبد ويحدد مصيره

يازهراني تحزم للمجيريشي وللقرقاح = بعد جات المواويل وبعد جات الرباعيه

ابراهيم الشيخي

يالشبابي جعل دعوتك دعوه مستجابه = بامر رباً دون صدق الدعاء ماصك بابه

بعدها عطنا من الشعر جابه سد جابه = والله اللي ينصر العبد ويحدد مصيره

ترانا محتسين الحرب ما نغزي بدون اسلاح = لنا قوات بحريه وبريه وجويه

فلاح القرقاح

ادعي يالفهمي عل ابن اللذينا بالنيابه = انت جنب الكعبه وربعك اعيال الصحابه

وكان ما انت بذيب يمكن تعشاك الذيابه = والله اللي ينصر العبد ويحدد مصيره


توكلنا عل الله والدليُ يميحها المياح = سعوديين وندوس الخطر دون السعوديه

عبيداله المجيريشي

الجبل ثابت عل الارض ماشياً يهزه = مايغيضه غير غزو العراق وغزو غزه

وان نصحتك نصح فالنصح من باب المعزه = والله اللي ينصر العبد ويحدد مصيره

الا ياليل ياللي فيك جنبيه وزرق ارماح = ولا ادري نستمد الرمح والا حد جنبيه

عبدالحميد الفهمي

يالمطوع ودي اقول لك من طيب نيه = ليت علم الفلسفه من علوم الجاذبيه

تابع الاغريق يغرق ويمسي مع خويه = والله اللي ينصر العبد ويحدد مصيره

تخلق بالسماحه واطلب الخلاق فالاصلاح = وفي بعض المواقف هات بعض الدبلوماسيه

ابراهيم الشيخي

المجيريشي من اول ظهر صيته وصيت = مير حاول يرضي هذيل بالفكر المبيت

نصبته اهذيل للشعر ليت اهذيل عيت = والله اللي ينصر العبد ويحدد مصيره

ليا كثر الفراش اكيد يطفي شعلة المصباح = انا اقول المجوس اموات لكن نارهم حيه

فلاح القرقاح

كل شيخا له شدادن وله سيفا ومنسف = وكل حيدن ينشبك تحته ادناميت ينسف

وان تفلسفنا عليكم يحق لنا انتفلسف = والله اللي ينصر العبد ويحدد مصيره

انا ماني بمثلك يوم نطحت الصياح اصياح = احدد لي هدف واحققه ميه عل ميه

عبيدالله المجيريشي

يوم جات الاوله ودنا باللي بعدها = ماعليك اخلاف والجيده تطلع بيدها

المنيحه كيف ترضع ولد ماهو ولدها = والله اللي ينصر العبد ويحدد مصيره

الا ياطيرنا ياطير ياللي جابك الملواح = ورا ما تفرق الملواح عن صيده حقيقيه

عبد الحميد الفهمي

ياعريب الجد سولف وعطنا من جديدك = واترك اللي للمهالك يدفك مايفيدك

العلوم الاوله كافيه والا نزيدك = والله اللي ينصر العبد ويحدد مصيره

عيونك يامطوعنا تعاين كل برقن لاح = يجاذبك الهواء والفلسفه ماهي عبيديه