ثـلاث ن

هذه ثلاث نصائح للشاعر العملاق حبيب العازمي العتيبي
كل نصيحه تتكون من اربعة أبيات
وهي عن الصح والخطاء ،،، والكلام الزائد في المجلس ،،، والرفيق والقريب

يقول أبو فيصل










النصيحـه الأولـى : الصـح والخطـاء



لولا الخطا محدً عـرف قيمـة الصـح=ولولا الصحيح يصح جـات الفضايـح
شـي طبيعـي يـوم ننّصـح وننصـح=النـاس كانـو يشـتـرون النصـايـح
ياجاهلً فـي الوقـت تسـرح وتمـرح=تـرى الحيـاه إلهـا نظـام ولـوايـح
وأن كـان ماتبغـى كلامـي هـذا رح=واشره على اللي قال وين أنـت رايـح




النصيحه الثانية : الكلام الزائد في المجالس




ياهل الهروج العرج لو تمشـي العـرج=خطـوه وراء عـن خطـوةً لالامامـي
الصمت في بعض المجالس عن الهـرج=يسوى مائة كلمه مـن اغـلا الكلامـي
ولو كل تاجر في البشـر يفتـح الـدرج=مـا صـار للتجـار غيـر الاسامـي
وراع الحصـان اللـي يعنـه بلاسـرجلـو يشعـل النيـران بـرد وسلامـي




النصيحـه الثالثـة : الرفيـق والقريـب




مهما يجيك من الخطـاء مـن رفيقـك=حاول تغاضى والخطاء لا يجـي منـك
ترى رفيقك لـو وقـف فـي طريقـك=مثل الرصيد أن (قل) وأن (زاد) في البنك
واعرف عدوك قبـل تعـرف صديقـك=ومن لا يحس بضيقتك مـادرى عنـك
ولا تأيـد المخطـي لـو أنـه شقيقـك=وش عذرك من اللي على ايسرك وايمنك




الشاعر الكبير : حبيب العازمـي العتيبـي

صح لسانك ولسان الشاعر الكبير حبيب العازمي


تحيااااااااااااتي

صح لسانك ولسان الشاعرالكبير حبيب العازمي

تسلم على نقل هالجزله


تحياتي

صح لسانك ولسان الشاعر الكبير حبيب العازمي


تحيااااااااااااتي

مشكورين الف شكر على مروركم الطيب


ودمتم