ابو علي يرثي زوجته منيره

يالله يامعبود ياربنا العالي=محصن الاعمال باللوح كاتبها
دمعي ياللي فوق الاوجان همالي=مثل نو يوم هلت سحايبها
من مريض طايح عندي اقبالي=يوم جاه الحق روحه يجاذبها
يوم اخذها الله ونزل بمنزالي=ودفنو خلي وردو نصايبها
يالله تثقل لها موازين الاعمالي=يوم والي العرش خلي يحاسبها
يوم قفوبه ياما اشتكى حالي=ماشتكى حالي على اللي يجاوبها
يوم جيت الدار وامرحت بلحالي=والبزور الصغار ماكثر نشايدها
قالو البزور لي وين زين الازوالي=قلت مدري ياعلي ويش سبايبها
قام عبد الله يبي امه واناسالي=خابر وش صار محسن عجايبها
قلت يالله بدل الغالي بغالي=بدل الغالي لنا من قرايبها
قالو البزور معاد ابه والي=والقرابه ماهي تساعد قرايبها
هاذي الدنيا عذاب وغربالي=ياكثر ماجرالي من مصايبها
ليت خلي قاعد ولا نبي مالي=هو غناتي يوم عيني تلد الها
حسنه الاطباع ماتغثي الحالي=مابعد دورتها مع صحايبها
واعذاب العين من ليلها طالي=كل ماتطلع نجوم نحسبها
يوم بان الصبح ثم اذن التالي=هل دمع العين واحرق مهادبها
قام البزور ثم اغثو الحالي=يايبه وين امنا يايبه جبها
مابكيت وربي مابكيه ياعيالي=امكم والي السماء اليوم طالبها
ثم لجو بالبكاء وبيتهم خالي=والليالي ماترجع مغايبها
كبدي ياللي حرها واجد الصالي=كن كبدي بالمناشير تسهجها
لو اصوت للغضي قالو هبالي=جعل من لامني في لهايبها
مامثل (منيره)اول ولا تالي=والصلاة عداد ذاري هبايبها

شكرا على النقل ياهلال

لا إله إلا الله

قصيدة مؤثرة جـداً
وكان الله في عون صاحبها