معركة العويند بين عتيبة ومطير
سحيم العتيبي08-May-2003, 10:25 PM
السلام عليكم
معركة العويند واحدة من أشهر المعارك بين عتيبة ومطير وحدثت عام 1273 للهجرة
أسباب المعركة :
لما رأت مطير ان عتيبة ضربت بسطوتها في وسط نجد بعد معركة سناف الطراد طمعت في اعادة أمجادها القديمه في نجد بعد اجلائهم لعنزه وقبل أن تخرجهم منها قحطان فجاؤ بعددهم وعتيدهم لمحاربة عتيبة وهذي هي بداية المعارك بين عتيبة ومطير لان عتيبة ومطير كانو قبل 1269هـ حبايب ولم يوجد في كتب التاريخ ألا انهم كانوا يتعاونون مع بعض قبل تلك المعركة ولما اجلت عتيبة قحطان بدت المشاكل بين مطير وعتيبة ومنها معركة العويند الأولى.
المعركة :
رأى الدويش انفراد عتيبة بوسط نجد فجمع مطير علوى وبريه والتقت جموعهم بجموع تركي بن حميد على العويند في يوم تشيب فيه الولدان والتحمت الجموع وسالت الدماء وتناثرت الجثث وقتل من مطير الكثير ومنهم عدة شيوخ وانهزمت جموع الدويش.
المصادر : يقول ابن بليهد رحمه الله عن معركة العويند : "واما الوقعة الثالثة فكانت بين تركي بن حميد ومعه رؤساء عتيبة الهيظل وبن جامع وجندهم عتيبة وبين الدويش رئيس مطير وانتهت المعركة بهزيمة مطير بعد قتال عظيم ، وهناك شجرة اعرفها بينها وبين ماء العويند كثيب الماء الذي يحيط بماء العويند ويقال لها شجرة ابي صفره أضيفت الى ابي صفره لأنه قتل عندها وهو من رؤساء مطير " أ.هـ كلام ابن بليهد ج/1 ص 46
تحيات أخوكم : سحيم العتيبي
ابو شاكر09-May-2003, 01:39 AM
أشكر الأخ سحيم العتيبي الذي عودنا على مشاركاته المتميزة دائماً
و أود أن أضيف بعض القصائد التي قيلت في هذه المعركة :
قصيدة للشاعر فندي بن عزارم المقاطي في وقعة العويند
يـا راكب اللي ما ترقـع رهـوقـه
حرً على قطع أشهب اللال صبار
هاته ودنـه وانسـف الكور فـوقـه
أسبق من اللي يدهل العش بالغار
كـودً على عيرات الأنضا لحوقه
فـجً عضـوده مـا قـطع في رحـا الزار
وحسو الرويقي نسم النضو فوقه
والـحـسو قدامـك مـن الصيف مـعـتار
ملفاك شيخً زين الله وفوقه
ضيـف الله اللي يـكرم الـضيف والـجـار
ليا قال ويش النضو يا للي تسوقه
قـله مـن ابـن حميد يـوصلك الأخـبـار
رد البرا من فوق عقله خنوقه
وثـور ظـعنـهـم نـاحـرن عـقلـة الـجار
جونا بجمع جات علوى تسوقه
حـمرً على مـاوصـف الخشم سنجـار
جونا يبون العد والعد فوقه
ربـعٍ مـسقـيـة الـعدا كـاس الامــرار
خذنا الجمل والبيت والقين فوقه
وتـسعين لحية في حجا القوز ما سار
كم جادلٍ ريح العويدي نشوقه
مـن عـقـبـنـا قـامـت تـقـلـط لقصار
انه ضيف الله عن الورد فوقه
مير أبتـخص حتى تسمـع بـالاشـوار
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ضيف الله :- هو ضيف الله بن عقاب الذويبي شيخ بني عمر من حرب
وقال ايضا الشاعر فهم الجنيبي العصيمي في قتل الفارس المسمى ابو صفرة الدويش
ياذيب عن جا ل العويند لا تغيب
من أشبعك ياذيب لا تنسى جزاه
ربع بابو صفرة وكل ابلج حبيب
شـيــخً نــوانـا بـالـبـلا والله بـلاه
ابوعتب09-May-2003, 06:56 AM
شجرة ابن صفره ياما جلسنا عندها ايام الصيف
لــيــل10-May-2003, 12:35 AM
سحيم...................
هذي تثبيته............
وآخر تثبيته لمواضيعك.
ماعاد ندري وش نثبت من مواضيعك.كل واحد ازين من الثاني.
ابو شاكر /هذي اول مشاركه لك.............وعلومك غانمه.
صعب المنال30-Aug-2003, 09:28 AM
الله يحفظك لعتيبه ذخر ياسحيم العتيبي
لاهانت هذه الانامل التي خطت لنا هذه المفخرة
تحية تليق بك ايها الكريم
عضو فضي04-Sep-2003, 05:56 AM
اللي حضرها الهيضل وابن حميد وابن حجنه وابن جامع ماحضرها
حتي ان ابن حجنه انطعن فيها وسلم
شيباني05-Sep-2003, 08:13 PM
ا
خي سحيم
هذا ماهو متناقل بين الناس هل من مصاد مدونة يمكن الرجوع اليها عند الحاجة وخاصة فيما يخص القصيدة وكذلك الموضوع
ماهي المصادر أن امكن للاستفادة
اخوك الشيباني
برجس14-Oct-2003, 02:25 AM
المعركه فخر لقبيلة عتيبه وتريخها الناصح .معركة العويند الثانيه بقيادة الشيخ تركي بن حميد .وحظر المعركة الشيخ الهيضل والشيخ ابن جامع وابو رقبه ....
ولاا ادري ان كان حظرها عضو فضي ام لا
ابو وعيل14-Oct-2003, 02:04 PM
...سحيم مواضيعك اكثر من رائعه ... ماشاء الله عليك
كل يوم يزيد اعجابي فيك .
يعطيك الف عافيه ياابن العم على هذا الجهد المميز .
تحياتي
ابو وعيل الرويس
عضو فضي29-Oct-2003, 03:14 PM
ايه حضرتها يابجس وشفت الامراء اللي حضروها
عضو فضي29-Oct-2003, 03:15 PM
ولد روق30-Oct-2003, 03:32 PM
امتداد لانتصارات قبيلة عتيبه ..
ومعركه مفخره لابناء الهيلاء ..
الذين تعودو على كسب المعارك وحسمها لهم ..
شكراً لك اخوي :سحيم العتيبي ..
صاهود06-Nov-2003, 03:28 PM
الخنفري06-Nov-2003, 04:43 PM
الاخ صاهود
حياك الله
وحول الموضوع المطروح اخي العزيز ان كان عندك مصدر ينفي المصدر المذكور فيمكنك ذكره
عين العقل06-Nov-2003, 06:58 PM
ممتاز جدا ... الحين حطيت الرجال في الزاوية الضيقة يالخنفري ....... !!!!
عين العقل06-Nov-2003, 07:02 PM
فيه مصدر قديم ... قديم جدا ... عام 1100 هج ... ورد فيه أن ماذكره منتدى الهيلا عن وقعة العويند 1273 هج ... فرية لا أساس لها من الصحه ... وأن الموضوع بأكمله ... مجرد ... دبك خيل بالقيعان ... !!!!! (( اللهم اني صايم )) ....
عين العقل06-Nov-2003, 07:03 PM
والا الربع من يقواهم ... غير الي خلقهم .... (( اللهم اني صايم )) ... !!!!
بعيـد المرامع06-Nov-2003, 08:37 PM
فيه مصدر قديم ... قديم جدا ... عام 1100 هج ... ورد فيه أن ماذكره منتدى الهيلا عن وقعة العويند 1273 هج ... فرية لا أساس لها من الصحه
الله يهديك بس ياعين العقل ...عام 1100 هجري.. قديم :).. وجدا بعد...:D
اثرك ماتعرف فى التاريخ شي ..ومعلوماتك سطحيه :eek:
..... مالوم صاهود معه حق ينفجر.. ماهوب بس يزعل :mad:
الرجل اثبت انها افتراء ......بمصدر جاهلي ... صوت وصوره ..
وانتم تقولون بن بليهد و1100 و1273...:)
اقول
قولو لسحيم افندي اذا ماعنده مصدر يثبتها قبل الهجره (جاهلي)..فموضوعه افتراء وسنضطر لحذفه...
المراقب بيك ..بعيد المرامع |4|
عين العقل07-Nov-2003, 12:34 AM
عاد يابعيد المرامع ... شخصيا ماودي أتهكم على رد أوطرح من أحد ... بس الوقعة كما يرى الجميع مذكورة بأيجاز ... وبمصدر موثق ... والقصائد كذلك ... والموضوع بأكمله مختصر وخالي من التمليح الي أشتهروا به الربع ... أجل وين التزييف الي يطريه اخونا صاهود ....... !!!!!
فعلا ... لله في خلقه شوؤن .... !!
بعيـد المرامع07-Nov-2003, 02:40 AM
ولو .... تظل مشكلتك ياعين العقل انك مــ انت( جاهلي) .
بعيد المرامع|4|
بعيـد المرامع07-Nov-2003, 02:45 AM
بعيـد المرامع07-Nov-2003, 02:45 AM
عين العقل07-Nov-2003, 02:48 AM
الا لايجهلن أحد علينا *** فنجهل فوق جهل الجاهلينا ....
وبعدين يابعيد المرامع شف الأخ الفاضل ... صاهود ... وش كاتب .. (( عدوا الصحيح ياعتيبة ولاتزيفون الحقائق من أجهل المباهاة )) ... بصراحة ... أنسان ظريف ... مباهاة ... :) ... عتيبة بتاريخها ماعاد تحصل الا العويند لتستخدمها للمباهاة ... :) ... عتيبة واجهت الأمام في طلال والضال وواجهت دولة بن رشيد وشريف مكة والعثمانيين وجموع وأحلاف من قبائل شتى في عدد كبير من المرات .... ماعاد بقي من تاريخها الا العويند ... بس وش نقول ... على بال مين ياللي بتغمز في الظلما ... على بالهم يمهم أحد .... :rolleyes:
وبعدين ... وشو ذا ... (( عدوا الصحيح ياعتيبة ولاتزيفون الحقائق من أجهل المباهاة )) ... ياخي الي وده العالم تناقشه وتاخذ وتعطي معه ... يختار أسلوب راقي للحوار ... وش الثراويث الي كل يوم والثاني جاية تبحوس في منتدى الهيلا ... ياخي والله العظيم أنتم الغلطانين ... العضو الي تشوفونه قام يخور الهدوه باند وخلوه يضف ... |4|
بعيـد المرامع07-Nov-2003, 02:58 AM
المشكله .... ياعتيبي ... ان كل المؤرخين ..... ظلموهم ...
يارجل التاريخ نفسه .... تنكر عليهم
.. حتي اسئل شيابهم ..... وهم يعلمونك ....
ملاحظه مهمه .... ترى الجغرافيا ..مالها دخل بالتاريخ ....
|4|
عين العقل07-Nov-2003, 03:02 AM
انت تدري وش فعلا مضايقني في الموضوع ... الأخ ابوشاكر ... الله يمسيه بالنور والسرور ... مقل في مشاركاته ... (( 8 مشاركات فقط )) ... مع أنه واضح ان ابوشاكر شخص ملم ومتمكن ومشاركاته الثمان جميعها قيمة ومفيدة ......
عين العقل07-Nov-2003, 03:03 AM
فياليت الأدراة تراسله وتحثه على العودة ..........
بعيـد المرامع07-Nov-2003, 03:12 AM
اتفق معك ....
وفعلا ان الامور تقاس بالكيف وليس بالكم ...
والاخ شاكر شبه متابع مستمر خصوصا لقسم معارك وبطولات .....
ولكن هذا عيب الكثيرين من الاخوان ....
عين العقل07-Nov-2003, 03:22 AM
انا والله الي يعجبني صحيح ... العضو الفضي ... ثلاث مرات ينرقع باند ويرجع ... مكافح شرس ... فالحل الوحيد المتبقي لكم ... تعديل المشاركات ... اما الطرد ... فخيار أثبت عدم جدواه ... !!!!!
بعيـد المرامع08-Nov-2003, 01:58 AM
هلا .... عين العقل ..
معلش .. خبرك الوضع المادي ماهوب اللي ....
الماخوذ ليا طـــول وهو يشتغل يحتــر ثم يفصل ... |21|
لكن هانت .... الاداره واعدتنا بجهاز جديد ...واشتراك مفتوح .. مدي الحياه ..
والدعوه كلها تنتظر يرفعها المستشار ... للمؤسس:).. وشخطة توقيع .....
وهــــــوا .... مايمديك تفتح عين وتمغض عين الا DHL يدقون الباب ....
يطلبون توقيع المراقب بيك بعيد المرامع ............. انه استلم |4|
و دعواتك معاي .. وينوبك ثواب ...
على الله نترقى مشرفين .... ونستلم بيت وسياره ..|233|
اما الاخ عضو فضي ... فهذا ظاهره ... لا تتكرر ... ولن اسمح لها تتكرر:)
والمخطي اي كان ...... ماله الا باند ... فهو اخر العلاج ...
والبتر في بعض الاحيان يكون رحمه ...... ولاااااااا
بعيد المرامع|4|
عضو فضي09-Nov-2003, 07:11 PM
الاخ عين العقل ماهيب الهقوه منك ويوم ارجع مالقيت البديل وانا اخوك ومالك الا خشمك ولو كان عوج
بعيد المرامع انا اقول الحق وماهمني احد
انا فعلا شرس
شكرا للمرور
عريب الجد17-Nov-2003, 08:45 AM
معركة العويند معروفه وموثقة في التاريخ (بانتصارقبيلة عتيبة )ولاكن لخوي سحيم المتميز (حفظة اللة) . انك لم تذكر من حضر من شيوخ عتيبة مثل ابورقبة وهو من حضر العويند بجانب الهيضل وابن جامع وبن حميد .. كما روي عن كتاب البليهد وغيره
ابن مشيب12-Feb-2004, 07:03 PM
مشكور ياخوي سحيم العتيبي على ذكر هذا الكون , وهو صحيح ومثبت في المصادر....
ابن بليهد في الجزاء الاول صفحة 46 كما ذكرت ياخوي سحيم , وكان الانتصار لعتيبة.........
تحياتي........
عاشق التوثيق23-Jun-2004, 11:10 AM
قطعت جهيزة قول كل خطيب , مابعد كلام سحيم العتيبي المنقول عن ابن
بليهد كلام , المعركة معروفة وموثقه , وهي من بطولات الهيلا التي يعجز
عن ذكرها المؤرخون والباحثون .
شكـــرا جزيـــلا يا سحيـــم العتيبي على ذكــر المصــادر التاريخيه .
عـــــــــــاشق التــــــــــوثيق
الضباطي18-May-2008, 05:40 PM
اسمع يا سحيم هذا كله كذب لو انت مطير انهزمت ما خذت نصف نجد
اتمنى ان تقرا الكتب زين يا خي عيب تلفق التهم الكذابه مطير دوله
ما يصلح هذا الكلام فيها بعدين الحقيقه معروفه اتمنى ان تغير الموضوع
نجر بن هاجد18-May-2008, 06:10 PM
والنعم في مطير لكن نصف نجد عاد شوي قويه المهم حنا اخاون يالضابطي والله يهدي الشباب لو يتركون عنهم الماضي كان حنا في خير
علي بن مذكر27-May-2008, 06:41 PM
راعي الصفراء200828-May-2008, 01:46 PM
الاخوه بمنتدي الهيلا
رحم الله الدويش وابن حميد واسكنهم فسيح جناته
رتيبان29-Aug-2011, 02:33 AM
http://www.otaibah.net/m/attachment.php?attachmentid=1119&stc=1&d=1314565447
http://www.otaibah.net/m/attachment.php?attachmentid=1120&stc=1&d=1314565447
منيف فهد الروقي05-Oct-2011, 02:34 PM
عفار العتيبي07-Oct-2011, 03:01 AM
.بيضـ اللــه وجهـك ياسحيـــــــــم على مشاركتكـ الطيبـه والنادرهـ .
ياذيب عن جا ل العويند لا تغيب
من أشبعك ياذيب لا تنسى جزاه
ربع بابو صفرة وكل ابلج حبيب
شـيــخً نــوانـا بـالـبـلا والله بـلاه
محمد الذيابـــي07-Oct-2011, 03:16 AM
الحمد لله على نعمة الاسلام
حامى النير28-Oct-2011, 08:51 AM
مهداه لخياله الحرشاء
مابان نجم في سماه وغاب .. وعداد برق(ن)لاح بالسحاب
سلام في حفلة مطوعة الصعب .. حفلة هل الحرشاء نمور الغاب
امطوعة بالضيق دقلات السرب .. لاكلح البرطم عن الانياب
هم درعنا الظافي بحومات الوغى .. لاجاءالقساء والموقف الغصاب
هل الوفاء والجود والشجاعه .. لاغاب نور الشمس بالضباب
قول(ن)على برهان مازورته .. واقطعك ياقول(ن)بلا صواب
ميقافهم يوم العـويـنـد واضح.. حضورهم كفى عن اللي غاب
سجل به التاريخ مجد(ن)شامخ..تقرا تفاصيله بكل كتاب
يشهد به العفار وابن هندي .. ويشهد به والشيخ الكبيرعقاب
ربع(ن)تروي حد مرهوف القنا..وتخلص الطالب من الطلاب
لاجاء نهار(ن)مترد نشوره .. تكبر به القالات والمصاب
نفرح بهم لاجاء النذير من العدا..لاكثرت الافزاع والاحزاب
هم درعنا الماثوق ولا ضيقبنا..واسط عمود البيت والاطناب
يارد حياض الموت معنا جمعهم.. لازملوا من الموقف الهياب
كم من حريب(ن)قاموا بتاديبه.. لاشب ناره ضدنا حراب
سقم الحريب اللي يلم جموعه .. لاجت تثامين العلوم صعاب
هل الظفر والباس والحميه .. اليا تحاموا ضدنا الاجناب
اليا تحالف الاعادي ضدنا .. من كل صوب وكل فج وباب
يارد عليهم جمعهم مع جمعنا .. لاجاء سجال الحرب والانشاب
هم درعنا وسيوفنا القطاعه.. اللي بها في المعضلات نهاب
تمت وصلوا عد ماهل المطر.. علىالنبي بخاتمة الجواب
...... محمد بن عمره المقاطي
