قصيده للشاعر نمر بن صنت العتيبي

يانجمة الصبح كبدي منك محروقه

لاشــع نورك علينا لاتغيــبـيـني

ستاير القلب من فرقــاك مفتوقه

أصبر من العام لين إنك ذبحتيني

الـود لو نتركــه عنـّــا وطـاروقه

أظني أرتاح وأنتي تستريحيني

لبّيك يللي تجـر القلب وعروقه

كله علشان يوم إنك تلـبّـيني


تلحّني لـحّ ركبٍ عجّـلوا سـوقه

أو جل ذودٍ مسرّيهن شيابيني

عدّيت من مبسم المجمول لاذوقــه

أنا بــلاي الحيا وأدرى على ديني

ياقلب يللي من ( الجازي ) دنا عوقه

ياناس شيروا عليها لاتقاضينــي

وإن كان قلبي تليّـش عنه صندوقه

شــدّوه ليت آتجوّد عنه بيديني

قالوا معاليق قلبك منه مسروقه

قلنا خذته الضحى والناس واعيني

ياليت ربّي ومـــر خالد على شوقه

يفـك حبله ولو يعطى مــلاييني

يالله ياخالق الدنيا لمخلووقه

تقدر على الموت تذبحني وتحييني

تلم شــملي لابد الروح مرفوقه

بأربع هناديس في قبري تخاويني





نمر بن صنت العتيبي


رجاءاً ممن يعرف هذا الشاعر أن يعرفني عن حياته وشعره مع الشكر مقدمــــــــــــــــــــــــاً

تلحّني لـحّ ركبٍ عجّـلوا سـوقه................أو جل ذودٍ مسرّيهن شيابيني

الف شكر ياخوي ابن آوى , ورحم الله الشاعر نمر بن صنت الحافي.

تحياتي.

سلمت ولاهنت يابن العم وصح لسان قايلها

وتسلم يمينٍ جلبتها لمنتدى الهيلاااااااااااااااا

مع تحيات اخووك :- مطلق الشيباني .....................

تسلم اخوي ابن مشيب واخوي مطلق


وللجميع التحيه

...


صح لسااااااااااااانه..

رحم الله الشاعر نمر بن صنت

وبيض الله وجهك

الله يرحمه ولاهنت ياطيب