واعذابي يوم قال مع السلامه......؟

واعذابي يوم قال مع السلامه***يوم روح ناوين رحله طويله
صار همي وسط قلبي لي علامه***واشتعل في وسط صدري فتيله
يالطيف الروح ياشين الندامه***ماندمنا قبل هذا الليل ليله
يوم روح متجه يم المنامه***فوق جمسٍ شارين اخر مديله
مر من عندي ويازين اللثامه***لمح برقن بارقله من مخيله
قمت انادي يمه واشر بالعمامه***قلت يمكن هاجسن مني يجيله
يوم روح تاركن لي الملامه***قمت الف ادور من كبر الفشيله
الله اكبر يازمانن كنت امامه***كنت اعاهد ما ادور في بديله
كان يعرف اني راعي للشهامه***وان ربعي كل عايل ترتكيله
وان غيري فاللقى تبرد عضامه***كل عضمن وسط جسمه مايشيله
ماعرفني بالنذاله والرخامه***ولاعرفني بالضعافه والقليله
ليه يغدربي ويكذب في كلامه***يوم قال اني انا والله خليله
وليه ينسى من كسب كل احترامه***وكل معنى فالقوافي يستويله
وليه يهجرني ويطلق لي اسهامه***وفرقتي يطلبلها بأيت وسيله
وليه انا متعلق بحضرة مقامه***ادمين مايجيلي كيف اجيله
ليه ماابعد يمكن يغير نظامه***ويتذكر حال دنياي الجميله
ون تمادى بالهجر وابعد سلامه***وصار رجعة خافقه لي مستحيله
اتصبر واتركه واترك هيامه***وش اسوي ماقعد فاليد حيله
وطلب الله خالقن يوم القيامه***انه يعوضني بشخصن بديله

صح السااااااانك
اخوي ابراهيم الزراقي
قصيدة رائعة جدا
كان يعرف اني راعي للشهامه***وان ربعي كل عايـل ترتكيلـه
وان غيري فاللقى تبرد عضامه***كل عضمن وسط جسمه مايشيله