ياقلبـــــي ... احذر ..

سلام عليكم ورحمه الله وبركاته


اتمنى أن تنال اعجابكم جميعاً
والعذر والسموحه ان حصل قصوووور

ياقلبي احذر لا تكلم بهمك
خل الهموم يحلها خالق الكون

شيء(ن) كتبلك لازم انه يضمك
واعرف ترى كل مكتوب بيكون

في الناس نصف(ن)من على حسن ضنك
والنصف الآخر من على ضحكت سنون

يضحك معك دايم وفي قفاك نمك
لو تسمع لهرجه ترى يصيبك جنون

أصبر وثابر وانته صغير سنك
مالك ومال اللي على الشر يدعون

عليك حق(ن) لأبوك وعليك لأمك
اد الحقوق اول قبل مايروحون

وافزع لجارك ثم(ن) افزع لعمك
والخال والد ثم(ن) الدون في الدون

والعمر مره والمراجل تهمك
وأحسب لقولك واخرج الحرف موزون

وياقلب تكفى لا تعلم بهمك
خل الهموم يحلها خالق الكون

وسلالالالالالالالالامتكم
فؤاد النفيعي

عليك حق(ن) لأبوك وعليك لأمك
يضحك معك دايم وفي قفاك نمك

يوجد بها إختلال في الوزن ..

أرجووا تعديلهاا ..

وقصيدة معنااها رائع ..

وصح لسانك ..

مشكووور يالسميري على مرووورك وصح بدنك

طيب لو اقول

عليك حق (ن ) لأبوك وحق لأمك

يضحك معك دايم وبقفاك نمك

او

يضحك معك دايم وبقفاك ذمك

؟؟؟؟؟؟

ماشاء الله اخوي عز المراااجل

ابداااااااع صح لسانك وماقصرت

واسال الله ان يوفقك اخوي فؤاد

لاهنت والله يقويك والى الامام