قصيدة لمحمد بن غازي النفيعي بمناسبة زواج الأخ : فيصل شبيب النفيعي

بسم الله الرحمن الرحيم

عدنا من جديد هذه القصيده بمناسبة زواج الاخ وابن العم/ فيصل شبيب فيحان شلواح النخيش

أتمنى أن تنال إعجابكم


ســـــــــلام ياربع على الطيب ترتاح=فيهم تجي كل القصـــــــــــايد جزيله
سلام مثل النور في وقت الاصبـــاح=كن الظــــــلام إن شع يسحب شليله
في ليلةٍ يسطع ضواها ولابـــــــــاح=ليلة فرح وســـــــــط الليال الجميله
يامرحبا ترحيبةٍ كنها أوشـــــــــــاح=فوق الصدور الحــــاضرة مستطيله
تبدأ بابن زايد عدد وابلٍ طــــــــــاح=شيــــــــــــــــخٍ يشرفنا بفعله وقيله
وتثنى لربعه يوم عطر الفرح فــاح=ربعٍ على الطــــــــــــاله تعز القبيله
أقولها من خاطرٍ بالوفا ســــــــــاح=نيـــــــــــابةٍ عن نسل مرو الصقيله
ماهــــان رجلٍ جا من عيال شلواح=عوين ربعه فالليــــــــــــال الهويله
فيما مضى يوم أكثر الوقت الأتراح=قايم مقــــــــام الشيخ راع الفضيله
تلقاه حاضر كل ماصـــــــاح صياح=رجـــــــلٍ على فك النشب ما مثيله
رأيه سديد إليا حضر سيف ورماح=كل العرب وقـــت النشب تلتجي له
دايم نتايج فزعة العود الاصــــلاح=الله يثيب أهـل الفعــــــــول الجليله
وقت المدايد ستر للربع وجنـــــاح=كفيـلهم عند الفـــــــــــــلاليح طيله
والعود عقب الموت ياناس لو راح=فعله بقى ماأحــــــــدٍ نسيله جميله
ومن الجنان اللي وسيعات وفسـاح=يجزاه ربي يوم فعـــــــــــله خليله
هذا كلامي بحفلة ســــــــلالته شاح=يوم أبو فيــــــصل كل ذربه تجيله
مبروك يافيـــــصل عــدد بارقٍ لاح=والله يهنيك بحيـــــــــــــاةٍ طويله
وختامها صلوا عدد نايحٍ نــــــــاح=على نبي(ن) دل ناسٍ ضــــــليله


شعر - محمد غازي النخيش

رائع جدأ ياخ طارق


قصيدة جزله شاعر جزل


يعطيك العافية


لك التقدير و الاحترام

صح لسان ابو غازي

ويستاهل ابو شبيب القصيده


يعطيك العافيه على النقل يابو هلال

الله يعافيكم ويسلمكم ويخليكم

مشكور وماقصرت

العفو وتسلم على الرد