مابقى في نجد عذراء ماعرفتها::: لغز مثيير
خالدالعصيمي06-May-2004, 02:23 PM
ياشباب لغز مثير جدآ
حيث لم يتوصل للحل أحد حتى الان
منذو ثلاث شهور
للتواصل عبر منتدى الهيلا
أو صاحب اللغز على الرقم التالي
051398536
أبو أحمد :: صنيتان صقر المطيري
ملاحظة :: النقيره الوارده في اللغز
هي هجره لقبيلة العوازم تبعد 30كيلو
شمالآ من مدينة النعيريه
إليكم اللغز
بنشد العرًيف عن بنتٍ قصيره "=
ياسلام الله على طول أرقبتها
تنطح الخيال وترد المغيره "=
كل فرسان الشجاعه حاربتها
أسمها معروف عند أهل الجزيره "=
مابقى في نجد عذرآ ماعرفتها
من شمالي هضبتن يم النقيره1 "=
لين تاصل للحفر في مملكتها
عند أبوها شايبن دايم تديره "=
يشعل النيران ويدخل من تحتها
صنيتان بن صقر الهدباني المطيري
الــوآفــي06-May-2004, 03:35 PM
ابا ارمع لي رمعة والله مدري عنهاااا ؟
هذي الزقاره
والعلم عند الله
والتحيه لكم
اخوكم ذيبان
ابوسليمان06-May-2004, 03:38 PM
عزيزي خالد العصيمي اللغز غير واضح من ناحية الكتابه حيث ان نص الصفحه غير ظاهر
خالدالعصيمي07-May-2004, 02:40 PM
ذيبان
رمعتآ طيبه من وجهآ طيب
حاول مرتآ أخرى وشكرآ
-
خالدالعصيمي07-May-2004, 02:51 PM
عزيزي أبو سليمان
أنت تامر أمر
وإليك إعادة كتابة اللغز
أنت وجميع الاعضاء
بنشد العرًيف عن بنـتٍ قصيـر
ياسلام الله علـى طـول أرقبتهـا
تنطح الخيـال وتـرد المغيـره
كل فرسـان الشجاعـه حاربتهـا
أسمها معروف عند أهل الجزيره
مابقى في نجـد عـذرآ ماعرفتهـا
من شمالي هضبتن يم النقيـره
لين تاصل للحفـر فـي مملكتهـا
عند أبوها شايبـن دايـم تديـره
يشعل النيران ويدخل مـن تحتهـا
-
ابوسليمان07-May-2004, 02:59 PM
مايامرعليك عدو ياخالد وانا اعتقد ان البنت قبيله والله اعلم
خالدالعصيمي07-May-2004, 03:42 PM
أبو سليمان
عطنى الرمعه اللي عندك
والباقي على الله
ابوسليمان07-May-2004, 03:46 PM
يمكن تكون البنت ترمز الى قبيلة ما قد تكون قبيلة مطير
الشهم09-May-2004, 11:40 AM
اخوي خالد العصيمي
السلام عليكم
الغز حله والله اعلم أنه الشيشه
وتقبل تحياتي
عتيبي عفيف09-May-2004, 12:50 PM
يا صاحب اللغز
انا عندي رمعه لكن والله مدري
ان ما خاب ظني انها (( الاسطوانه )) وابوها (( القز ))
والله اعلم
تحياااتي
خالدالعصيمي17-May-2004, 04:15 AM
ابو سليمان
رمعه طيبه من
وجهآ طيب
حاول مره ثانيه
خالدالعصيمي17-May-2004, 04:16 AM
سماوي يالشهم
رمعه طيبه
حاول مره ثانيه
خالدالعصيمي17-May-2004, 04:18 AM
سماوي ياعتيبي عفيف
رمعه طيبه
حاول مره ثانيه
الشهم18-May-2004, 11:34 PM
اخوي خالد العصيمي
السلام عليكم
الغز حله والله اعلم أنه الشمعه
وتقبل تحياتي
كريم سبلا08-Jun-2004, 10:52 PM
السلام عليكم ورخمة الله وبركاتة
الله العالم انه ( الفتنه---وبوها ابليس كفان الله شره)
وسلموووووووووووووووووووووووو
ابو نايف الرخيمي 30513-Jul-2013, 04:23 AM
آخوي الظاهر أنها المطيبة
وتقبلوآ مروري
ابو نايف الرخيمي 30509-Sep-2013, 05:47 PM
معقولة محدن عرف الإجابة ؟
فهد بن جميل العتيبي09-Sep-2013, 06:51 PM
