يالمطيري ذيب لاهنت
عقاب العنزي15-Jul-2009, 02:33 PM
مسيت بالخير ياذيب
سلام الله وانا شاعر ليا من بان لي صاهود = ابعطيه العلوم اللي تحد العين للعبره
سطع نجم وخفت نجم ٍ يضوي بالليال السود = بعد خلوه ربعه واحفروا بيدينهم قبره !!
صاهود15-Jul-2009, 02:55 PM
هلا يامرحبا والوايلي لويحرق الموجود=اجيب الماي قدامه واطفي ناره الكبره
مطير انجمومها ماغيبت يالشاعر المقرود=ترا مافيه عاقل يستمع لعلومك الغبره
صاهود15-Jul-2009, 02:57 PM
اسمحلي ياصاهود ماشفتك موجود ورديت بالنيابه
عقاب العنزي15-Jul-2009, 03:08 PM
يدوم إلك البقا والهرش لامن شاف له مفرود = يهبده لين يصبح من على وجه الزمن عٍبره
تخليتو عن اللي لاحضر قاد المعاني قود = وشجعتوا هذاك اللي ماغير الصوت والنبره
@ـايل15-Jul-2009, 03:09 PM
الله الله ..
صحت السنتكم ياشعراء ..
عقاب العنزي و ذيب عروا
واصلوووو..
...
عقاب العنزي15-Jul-2009, 03:10 PM
صح بدنك ياهايل ولاهنت
شرفتنا بحضورك
تقديري
صاهود15-Jul-2009, 03:21 PM
علي هونك يابن وايل لاتقطع حبلك الممدود=ترا لو ينقطع مامعك لاخبره ولادبره
مواقفنا مع الاثنين مانقرب من المنقود=وكلن يطلع ابشبرة وتركي متّرك شبرة
صاهود15-Jul-2009, 03:22 PM
صح بدنك ياهايل العتيبي
وشكرا علي المرور
عقاب العنزي15-Jul-2009, 03:45 PM
تقوله وانت لاهبت على وجهك هبوب النود = تذرّى خلف ضلع طويق وتذري فيه من كبره
تحسب ان الليالي بيضها ياذيب مثل السود = اثر من جهلك تحسب العمود تسدّه الابره
صاهود15-Jul-2009, 04:14 PM
ههههههه=
بلانا اللة بقومن فكرهم عند اللقا محدود=ومن له حيلتن يحتالها ويشغّل الخبره
ترا هاذي مقادير وكتبها ربك المعبود=تحول تحت تطلع فوق مالك بامرها دبره
صاهود15-Jul-2009, 04:21 PM
ماهو دابلن كبدي غير الفضي ومره نشيط ومره عضو فعال متي نصير شعار هههههههه
حاصل علي ثلاث جوائز بالشعر وللحين فضي هههههههه
عقاب العنزي15-Jul-2009, 04:32 PM
هذاه العام صاهود المطيري مفلت البارود = اثر ماهو على خبري وانا ماني على خبره
تراني علة ٍ لمطير من قرن وثلاث عقود = وانا ماقول غير انه على ماجاه ياصبره
صاهود15-Jul-2009, 04:47 PM
انا ماني بمثلك لنعزمت اقلط علي المردود=يسدك عظمها والذيب مقلاطه علي الهبره
عسا منت الزلامي يوم بيدك تنقل المجرود=ترا اطرف شاعرن منا يبين ابدفترك حبره
صاهود15-Jul-2009, 04:59 PM
الصلاة اوجبت نكمل بعد الصلاه
عقاب العنزي15-Jul-2009, 05:01 PM
اذا انك مثبت الحجه ياليت انك تجيب شهود = لو ان الخاطر المكسور ماتقدر على جبره
نعرف اللي على عدود المعاني يالعميل اورود = ونعرف اللي بسط بالسوق بالحلتيت والصٍبره
صاهود15-Jul-2009, 05:24 PM
يمنع استخدام مثل هذه الالفاظ
الإدارة
صاهود15-Jul-2009, 11:28 PM
يمنع استخدام مثل هذه الالفاظ
الإدارة
الراي رايكم
بس انا ماقلت شي فيه تجريح بالعكس يقال ومن كبار الشعراء بعد
وكنت اتمنا انكم ماشطبتوا الرد كله كان خليتوا البيت الثاني علي الاقل
عموما اهل مكه ادرا بشعابها
