محمد بن رشيد سري الليل
نايف بن ملحق الثعلي12-Jan-2010, 09:09 PM
ياسلام وتحيه عد نو المخيله=ياهل المنتدي الي فيه شاعر وزاير
يامحمد تقدم والمسافه طويله=ثم هات العلوم الي تسر الضماير
عبدالله الاصعر12-Jan-2010, 09:13 PM
ابو بــــــــــــــــــدر
صح لسانك بدايه موفقه
لكن انا في صف محمد رشيد
وصح لسانه مقدما
تحياتي
علي الشهراني12-Jan-2010, 10:11 PM
على القوه صح لسانك يا نااايف
و صح لسان ابن رشيد مقدما
متاااااااااااااابع
فرهودي12-Jan-2010, 10:17 PM
الله الله
صح لسانك يانايف وصح لسان محمد مقدماا
معاكم
محمد بن رشيد13-Jan-2010, 01:27 AM
الله الله
مرحبا بالرفيق اللي علومه جزيله =عد مالاح برق وعد ماطار طاير !
ليلة ٍ جاتبك تسوى ثمانين ليله = والله انّا على الطيّب نسوق البشاير !
محمد بن رشيد13-Jan-2010, 01:28 AM
الاصعر
اررحب والصف عامر بوجودكــ
الراي السديد
هلااا وغلااا
خيال الأصيله13-Jan-2010, 05:53 AM
صحت ألسنتكم ولا هنتوا متابع لكم
نايف بن ملحق الثعلي15-Jan-2010, 12:18 PM
يالعتيبي نشوف الوقت جاء فيه ميله=والسبايب تراها جت من ام الكباير
المعاني بعيده والامانه ثقيله=كيف اعلمك وانته عارفن ويش صاير
حسن إبراهيم الدجيماء15-Jan-2010, 12:31 PM
يالعتيبي نشوف الوقت جاء فيه ميله=والسبايب تراها جت من ام الكباير
المعاني بعيده والامانه ثقيله=كيف اعلمك وانته عارفن ويش صاير
الله الله يابن ملحق ... صح لسانك ولسان قبيلك ..!! "" السبايب تراها من ام الكباير "" لله دركـ ..!!
محمد بن رشيد15-Jan-2010, 12:58 PM
الله الله
كان في يدك يارجال حيل ٍ وحيله =طيع رايي و عن درب العلا لاتخاير !
انت روقي وعاشق حاجة ٍ مستحيله = قبل تاصلّها لازم تذوق العزاير !!
عيد بن مرضي15-Jan-2010, 01:04 PM
الله الله
انت روقي وعاشق حاجة ٍ مستحيله = قبل تاصلّها لازم تذوق العزاير !!
ياسلااام ياسلااام
صح الله السنتكم
متابعين للآساتذه
نايف بن ملحق الثعلي15-Jan-2010, 01:18 PM
ودنا نبلغ المقصود بهون وسيله=من يغامر يحصل ربح ولا خساير
تدري اني شدادي فوق ظهر الاصيله=ماعليه لون الوقت بالحيل جاير
محمد بن رشيد15-Jan-2010, 01:36 PM
الله الله
ودّنا ياطويل العمر نكسب جميله = فيك حسب العوايد كلها والسواير !!
قاضي المحكمه قدام لاتدعيله = هات لك شاهدين وقدّم اله النواير !!
نايف بن ملحق الثعلي15-Jan-2010, 01:46 PM
انت شاعر قبيله معك شاعر قبيله=والليالي تدور ودم الاجواد فاير
جعل ماالله يبارك في الوجيه البخيله=والمعارك تري تحتاج نار وذخاير
محمد بن رشيد15-Jan-2010, 01:59 PM
الله الله
كل رجال فالماقف يباين حصيله = وفالنهايه على الظالم تدور الدواير !
لو مشاعرك يانايف مشاعر نبيله = مير ترمي على نبّ الهدف ماتعاير !!
نايف بن ملحق الثعلي15-Jan-2010, 02:14 PM
لن سكتنا فشيله ونهرجنا فشيله=والقضيه تري ماتنجبر بالجباير
ليت يقرب شرار الزند خشم الفتيله=غايتي يامحمد لوتشب السعاير
نايف بن ملحق الثعلي15-Jan-2010, 03:05 PM
نايف بن ملحق الثعلي15-Jan-2010, 05:14 PM
اثر دنيا الفناء ماعاد فيها عقيله=والقضيه تري ماتنجبر بالجباير
ليت يقرب شرار الزند خشم الفتيله=غايتي يامحمد لوتشب السعاير[/poem]
نايف بن ملحق الثعلي15-Jan-2010, 05:19 PM
لن سكتنا فشيله ونهرجنا فشيلـه
البيت غلط تم التعديل
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
