الذيب النفيعي....اســعـد الله صــباحــــــــــك
متعب المقاطي العتيبي19-Apr-2010, 04:32 AM
الطبيعة في تغيرها طبيعي=والدلايل مقلع الهضبة طمية
بعد زان القاف وين القا النفيعي=ياعسى ربي يجيبه في يديه
فهد الحصيني19-Apr-2010, 05:22 AM
الله يسعد صباحك يالنداوي
أستلم
جابرن خصمي غصب عنه يطيعي=لوعزومه فاتره والاقويه
والنفيعي تاجده صيف وربيعي=ماتخفى مزهب الك البندقيه
متعب المقاطي العتيبي19-Apr-2010, 05:38 AM
يامرحبابك يالنفيعي
ياوسيع المعرفة ماتستطيعي=مير بهرها وهات الشاذليه
وانت لك عامين تركض ف/ السريعي=لاسلاح ولا زهاب ولا مطية
فهد الحصيني19-Apr-2010, 05:47 AM
وسط سوق المعرفه أشري وابيعي=وأشرب الفنجال من يمنى وفيه
يالنداوي شغلتك شيل الرجيعي=كب عنك أنت الكبر والعنجهيه
متعب المقاطي العتيبي19-Apr-2010, 06:13 AM
الذيابة ترقبك مع كل ريعي=ياعسى الله يرحمك رب البرية
تنقضون الهرج والمعني يضيعي=يامغنيت اللّحون السامرية
فهد الحصيني19-Apr-2010, 06:23 AM
للذيبه صفرت تشلع شليعي=ورحمة الله أمنيه لي ياعطيه
أنت راع الهرج والزبده تميعي=ماتواسيني على فعلتك أسيه
متعب المقاطي العتيبي19-Apr-2010, 06:41 AM
مانسبك وانت رجالً شجيعي=مير جاك الموت ياراع العبية
ليت قافك مثل مستور الشفيعي=تاخذ النوبل ونعطيك الهدية
اخوي النفيعي صح لسانك
ومسك الختام عندك
ܓܨ عبدالله البرقاويܓܨ19-Apr-2010, 06:43 AM
ماشاءالله عليكم
صح الله السنتكم ولاهنتو
ابيات رااائعه
متعب المقاطي العتيبي19-Apr-2010, 06:45 AM
ماشاءالله عليكم
صح الله السنتكم ولاهنتو
ابيات رااائعه
صح بدنك والاروع حضورك.... :)
فهد الحصيني19-Apr-2010, 06:54 AM
وأنت وافي مذهب وافي رفيعي=كم كويتك كيت من فوق كيه
الشفيع أنا رسول الله جميعي=ليش تغلط يالنداوي في هذيه
صح بدنك وقلبك يالغاي
ومع السلامه
متعب المقاطي العتيبي19-Apr-2010, 07:00 AM
وأنت وافي مذهب وافي رفيعي=كم كويتك كيت من فوق كيه
الشفيع أنا رسول الله جميعي=ليش تغلط يالنداوي في هذيه
صح بدنك وقلبك يالغاي
ومع السلامه
هههههههههههههه
صح بدنك يالغالي
معليش للتوضيح فقط/ مستور الشفيعي العصيمي العتيبي
مع السلامه يالغالي
فهد الشيباني19-Apr-2010, 07:50 AM
ياسلام
صحت الالسن والقلووب "
متعب المقاطي العتيبي19-Apr-2010, 08:04 AM
ياسلام
صحت الالسن والقلووب "
صح بدنك ولا هنت عــــ المرور
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
