أرقص لك عراقي

الدمعة اللي بقت بالعين مسجونه=ما بين رمش العيون وظلمة احداقي
والنظرة اليائسة والشعر ولحونه=وذكريات الهوى مني هي الباقي
هاجرت حد الرضى والتين وغصونه=وبنيت سور الرفض في سكة اشواقي
وصدقت بأن الهوى غلطه وملعونه=وكفرت رغم الحزن في صدق عشاقي
فالطفلة اللي تخربش فوق بلونه=وتقول صورتك ذي وفبكره الباقي
تضحك فشوف الزمن مزمومة عيونه=يضحك معاها ولا كنه أبد شاقي
حملتها فوق كف الحب وجنونه= تمرح معه لهفتي ويلاحقه ساقي
ريحٍ تسوق السحاب وتسكب مزونه=هوامل الجود من رعدي وبراقي
أقول دانه وتطلب قول دينونه=ومن قبل ألبي تقول ارقص لك عراقي
ولا اتدلع على نغمات دلعونه=ولا انته اختار اذا ما اعجبتك اذواقي
وبآحن نغمه اقول انتي صغيرونه=والرقص والهز لا طبعك ولا اخلاقي
انتي مثال الجمر للي يشبونه=نهنا على منضره ونخاف الإحراقي
واهدي لها الورد وبأوااااه ممنونه= ابحضنه درع من هم الزمن واقي
كنها تقول الزمن لازم تخافونه=وعتمة الليل تقتل نور الإشراقي
ذكرى سنينٍ بقت بالصدر مدفونه =تقتات من فرحتي وتنام باعماق
لا جيت ابنسى غلاها تهت من دونه= الين أصب الغلا في كاس ترياقي
ورغم انها نا سيه بيتي وتلفونه= إلا انها باقيه في نبض خفاقي
واكبر سؤالٍ يحير من يقولونه=يا كيف عشت الظما من قلبي الساقي
واعظم حقيقه بصوت الشعر ولحونه= ينثرني الشوق وتجمعني اوراقي
شفني وأنا دمعةٍ بالعين مسجونه=ما بين رمش العيون وظلمة احداقي

أقول دانـه وتطلـب قـول دينونـه
ومن قبل ألبي تقول ارقص لك عراقي
ولا اتدلـع علـى نغمـات دلعـونـه
ولا انته اختار اذا ما اعجبتك اذواقي
وبآحن نغمه اقول انتـي صغيرونـه
والرقص والهز لا طبعك ولا اخلاقـي



شاعر المحيط ... الله كم انت مذهل "


سنظل ننتظر ماتنثر هنا من شعر "


صح لسانك مليووووون "

ياسلام ياسلام


وخمس نجووم



صح لسانك


وننتظر جديدكــــ

ما أروع هذه القصيده
أخي شاعر المحيط قد قرأت القصيده آكثر من اربع مرات ولا يكفي
وانا هنا انتظر منك الجديد وتقبل تحياتي