يا طول ليلك عقب ما جيت يا سعود

السلام عليكم ورحمة الله وبركاتة







يا طول ليلك عقب ما جيت يا سعود=مير احتزم يا صاحبي بالسواري


لك مدةٍ يا سعود منته بموجود=واليوم اشوفك فالطريق انتحاري

صح لسانك يا ابراهيم


وصح لسان سعود سلفا





متابع

هلا وغلا أخوي العمدة

صح بدنك يا الغالي

وعليكم السلام والرحمة

يامرحبا ياابراهيم

لاادري من سعود اللي تقصده هل هو سعود العصيمي ام سعود النفيعي
لكن : استلم وانا اموون على ابو فهد وسد عنه اذا هو المقصود





ان قصر والا طال من زود في زود = اللي يعادينا نرده جباري!!

غايب وحاضر مع هل الطيب معدود = وانته وش اللي معك حتى تماري؟

صح بدنك يالعمده

وحياك الله

أنت المقصود لأنك كنت متواجد لما طلبتك







ما فيكم الا العود يا مطيب العود=وإن كنت شاعر منت كاتب وقاري


في ماقفي حاضر ولا عنك منشود=اما بضرب السيف وإلا الشباري

طيب طيب






مابه عصيمي غير شلعة وبارود = واخيركم سلطان لو ماش خاري.

هات البطاقة واعرف البيض والسود = واقرا الحديث اللي قرا ه البخاري!!

الشاعر المبدع / البراهيم الجذع



ياليت ان كنت متواجد نكمل الطاروق الان


لاني معزوم الليلة على زواج ولاني متواجد

اللي تقوله يلحقك منه منقود=يا اللي سريت الليل والليل ساري


بطاقتي يوم البرا صار مردود=يا موتراً دحدر وعلق بواري

صحت الالسن والقلوب

ماقلت غير الصدق والـدرب ممـدود=جايك وجايـب لـي قـرار ٍ وزاري.
البيـض يارجـال ماتشبـه السـود=وان كان غاوي شف طريق الطواري.

من يوم جاك من العباريد عبرود=نكبت نفسك وأنت منته بداري


ترا قليب ارماح برماح مارود=وأنته تغني مع هبوب الذواري

هههههههههه





العلم خله بيننا حد محدود = بيني وبينك مايصير المطاري.
رماح دار سبيع ياحامي القود = عندك خبر كل شري وخاري

صح بدنك يا شبل الغدرى

ما غير رب الكون فالكون معبود=واللي تحدا ما لها خصم غاري


أنت تعرف اللي من العلم مقصود=وترا الجروح الها طبيب استشاري

صح لسااانك مليااار


وبيض الله وجهك على اتاحة هذه الفرصة


واستأذنك انا معزوم في حفل الليله

الختام عندك


اليا غزينا مانجي غير بالفود = خل العتب في يوم ذات الصواري.

من دونها لفة وضباط وجنود = والظاهر ان الجرح ماهو بباري.

صح بدنك


ترا الدعاوي كلها سهود ومهود=اليا طرا لـ الناس بعض الطواري


ترا الخيال اللي به ابروق وارعود=اليا سرا برقه ينير الغداري