اقرب سنافي
زياد العصيمي16-Aug-2010, 06:52 PM
اقرب شاعر يرد
مرحبا بالشاعر اللي يريد الاستجابه
مايجمل غير ماغناه والبيرق سعودي
يالسنافي كل واحد مايفكه غير نابه
والعصيمي مايجر الاه والبيرق سعودي
علي خيران العتيبي16-Aug-2010, 07:16 PM
البقا من خاطرن صافي وسط حلة عتابه
و انتبه خصمك يجر عواه .. و البيرق كويتي
كان راحت يالعصيمي للمناشب و الحرابه
الثبيتي نجدته يمناه .. و البيرق عتيبي
خلف المطيري16-Aug-2010, 07:24 PM
والبيرق كويتي
الله الله
صحت الالسن والقلوب جميع
والصف كويتي
علي خيران العتيبي16-Aug-2010, 07:26 PM
الشاعر // جبل صايد
يا مرحبا و صح بدنك
و الصف يزهابك
مرورك يعني لي الكثير :)
لا هنت
زياد العصيمي16-Aug-2010, 07:28 PM
يالثبيتي لاتبدى بالمناشب والسبابه
دام ماعندك جنوب الشاه والبيرق عتيبي
المعاني يالثبيتي وسط نيبان(ن) وغابه
والمجارح ننوصف لدواه والبيرق عصيمي
زياد العصيمي16-Aug-2010, 07:31 PM
ارررحب ياجبل وصح بدنك والعنصريه لابد منها
ولاهنت
علي خيران العتيبي16-Aug-2010, 07:46 PM
لو نويتك يالعصيمي رحت في صدرك كآبه
ما يفكك غير وجه الله .. و البيرق عصيمي :)
الثبيتي مثل ضلعن تردعك عنه المهابه
كم و كم من فارسن يخشاه .. و البيرق ثبيتي
زياد العصيمي16-Aug-2010, 07:58 PM
ياصحيبي لاتنوش الضلع وتعاملك دابه
والعمى ماتعرفون عماه والبيرق سعودي
يالثبيتي تمشي بدرب العصيمي قد مشابه
والمعلا ماتعلاه والبيرق سعودي
علي الثبيتي16-Aug-2010, 08:00 PM
سلام عليكم والمنبر حجازي
وصحت السنتكم والصف صف السمي
ولايهون العصيمي
زياد العصيمي16-Aug-2010, 08:07 PM
صح بدنك يالنشمي مرورك شرف ولاهنت
علي خيران العتيبي16-Aug-2010, 08:09 PM
كانك انت الضلع قدمك نجم عالي يندعا به
لو صدم ضلعك يبا يمحاه .. و التكله على الله
انت لو تازن بيوتك قلت ذا شاعر شبابه
هالعصيمي يا عرب محلاه .. و التكله على الله
زياد بيض الله وجهك
و وصح لسانك و لا هنت
خروج اضطراري :)
علي خيران العتيبي16-Aug-2010, 08:10 PM
النشمي
و عليكم السلام
و صح بدنك
و الصف يزها بك
و مرورك غير يالعود
و شرف و ناموس بيض الله وجهك
زياد العصيمي16-Aug-2010, 08:10 PM
صح لسانك يالثبيتي والله لايهينك
تشرفت باللعب معك واستمتعت
رامي الثبيتي16-Aug-2010, 08:11 PM
لو نويتك يالعصيمي رحت في صدرك كآبه
ما يفكك غير وجه الله .. و البيرق عصيمي :)
الثبيتي مثل ضلعن تردعك عنه المهابه
كم و كم من فارسن يخشاه .. و البيرق ثبيتي
الله الله صح لسانك يا ولد العم
ونعم والله
علي خيران العتيبي17-Aug-2010, 12:47 AM
رامي الثبيتي
صح بدنك يا ذيبان
و ما عليك زود
لا هنت :)
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
