اهداء لماجد بن ضيف الله الغربي العتيبي

السلام عليكم ورحمة الله وبركاته ..




أسعد الله أوقاتكم اخواني أعضاء وزوار منتدى عتيبه الهيلا ..


حبيت ان اطرح لاذائقتكم الشعريه هذه القصيده

وهي للشاعر بندر بن فيصل الغربي موجهه الى
الشيخ / ماجد بن ضيف الله الغربي العتيبي




هاض القصيد وهيض القلب طاريه .. للي يشوش الراس لاجبت طريـاه

شيخً على الطولات هذي مباديـه .. والطيب له ذكـره ابـد ماتعــداه

سلام ياماجد وهالقاف ببـديـه .. لعز الرفيق ومن رجـالً مسمـاه

المرجله والطيب هذي مساعيه .. مرحوم ياعودً على الطيب ربـاه

مامات ضيف الله وله ذكر محييه .. مادام ابوخالد يسوي سواياه

دربً مشاه ابوه من وقت ماشيه .. على نهج عوده مشى يتبع خطاه

افعاله تنومس بفعلً يسويـه .. بالطايله سبْاق وتجود يمنـــاه

تشهد له افعاله بحاضر وماضيـه .. ويشهد له اللي من عنا الوقت ينصاه

حرً ولد حرً بـعـادً هقــاويـه .. تلقى مداخيل الشجاعه بملقــاه

يسلك طريق المرجله ما يخليه .. متقدمً من بالمراجل تحــداه

ولا كل من يرقى الطويله توديـه .. بدروب منها يكسـب النعم والجاه

والرجل لو لا الطيب محدً بيطريه .. واقرب رفيقً له من الناس ينساه

زان القصيد ويم شخصك نوديـه .. تستاهل ركاب القوافي وممشــاه








الشـاعـر : بندر بن فيصل الغربي العتيبي