شاعر متعلم

سلام الله على اكبر حيد نسمع في تواصيفه=جبالاً في بطون الارض وإلا الروس في العالي
يقولون ألعب القلطه مع شعار حريفه=وانا يادوب متعلم من اهل القيل والقالي

هلابك وانت شـــاعر محترف بانت مواقيفه ** تفضل هات مافي خاطرك من بدع الامثالي


ترا الشاعر لاسانه ياوسيع المعرفه سيفه ** وسيفه في المواقف مالها الا ذرب الافعالي

متابعين لإبداعكم ..شعراؤنا ..

موفقين ..........

صح بدنك طال عمرك والله لا يهينك

يدوم إلك البقاء وانحن قصدنا راعي الضيفه=جذب سنجار طاري الحيد وإلا ماعلى بالي
معي سيفاً على المخطي ولا يخطي غضاريفه=وذا مثلك نحنه يوم لا حالاً ولا مالي

يابوعبدالله تراني اتبهذل في اخراج بيوتك ابرك تخليها برا ماهيب مخفيه

صح لسان الجميع

تقوله والزمن لا تامنه كثرت صواديفه ** علامك لا تحول ياولد من راس هيالي


يهددني وهو خايف و بارتبه محاريفه ** ليا مني نويت الخصم اولع تحته الصالي

دخلت البيت مع بابه ولا ينتابني خيفه=وانا رجال واعرف كيف مخراجي ومدخالي
ورجالاً يقول الحق مانشنى سواليفه=ولكن خذ من الجمر الحمر حاجتك طوالي

محاوره ناريه من البدايه ولكن أظن فيه أخطاء إملائيه


يعطيكم العافيه

الساعة 12 وقت نوم ... شكراً للشاعر سنجار ولا هنت يالغالي
واشكر الجميع وتحياتي لكم ...

ترا بيت الشعر عامر و حاسب من ملاقيفه ** وانا عندي مفاتيحــــــــــه و سكرته بالاقفالي


تقوله وانت تاجر بس ماشـــــفنا مصاريفه ** وعسى ربي يعينك وانت دلوك يصفق الجالي

مرحبا يالغالي ولاهنت طال عمرك تمس على خير