هم صلب جداني ونجد استوالي

المرحوم بإذن الله الشاعر طلق بن مبارك الفليت النفيعي .
عاش في الفترة من 1309 إلى 1396هـ قضى جلها متنقلاً لطلب الرزق من غرب الجزيرة إلى شرقها ، وإن كان معظمها عاشها مع أخواله الشلاوى جنوب الطائف كما نرى ذلك في أشعاره ،
له الكثير من القصائد التي سنعرض لكم بعضاً منها.


يا الله يا منشي صدوق الخيال
يا جيدٍ كل المخاليق ترجيه

إنك لتجعل كل لقمة حلال
وتقبل صلاتي كل فرض نصليه

في أتلى الشهر قدام يبد الهلال
قدام نور الصبح تبدي مواريه

سويت لي قاف سوات الريالي
وإلا الكلام الزين للي يسويه

الكذب قالوا لي هيام الرجالي
وأنا ما أحب الكذب هو وراعيه

يا راكب اللي مشتراهن غالي
راع اللزوم ليا بغاها توديه

من عند ألاد فليت للاد شالي
وقله طلق رد السلام لعوانيه

عليهم البيضاء إعداد الليالي
وإعداد من طب الحرم واحتلج فيه

ألاد شالي محتمين التوالي
يومٍ ولد اللاش يخطي عزاويه

نعمٍ بهم في الشرق ثم الشمالي
هذا جزا للخال رده بناخيه

وإن كان سالوكم ترى القلب سالي
في جوف ربعٍ كل فنٍ وفو فيه

يوم الحرايب للحرايب توالي
والجيش للعدوان تحفى سماريه

ورباعهم تزها حسين الدلالي
وهيف الخروف ليا تجر فيه راعيه

هم صلب جداني ونجد استوالي
وراع الجمايل فيِّ ماني بناسيه

ما أنساه كود البدو تنسى المحالي
ليا ناض براق الحيا من مناشيه

وختمتها بالله رفيع الجلالي
اللي خلق للعبد شوفٍ يقديه

مشكور يابن العتيبي

قصيدة جزلة ورائعة

ورحم الله الشاعر طلق بن مبارك النفيعي

تحياتي

صح لسان قايلها وسلمت يمين ناقلها ..

ولك كل ألتقدير..

صح لسان قايلها وسلمت يمين ناقلها ..

ولك كل ألتقدير..

الله يرحم طلق ويسكنه الجنه


ومشكور يالغالي


على النقل الطيب


تقديري

صح لسان قايلها وسلمت يمين ناقلها ..






تحياتـي