سلطان ابن ثعلي اقرب

ياسلامي سلام ولايزل النضام=يشمل اعتيبه الهيلا وضيفانها

يابن ثعلي تعال اقرب وشد الحزام=هات كل العلوم وهات برهانها

إرحب ياشبل المحاني

وإستلم بالنيابه,,,,





مرحبا يالمسلم عد وبل الغمام=وعد من طاف بالكعبه وباركانها

أسر ليلك وعينك لايجيها المنام=الذيابه عليك أتلد باعيانها

المعاني جنوب وغرب وشرقن وشام=انتبه للمعاني يوم جا حانها

لايطول الجدال ولايطول الكلام=ماتقوم البيوت الابسيسانها

ماتحرم حلال...ولاتحلل حرام=كل سلعها ترانا نعرف اثمانها

كان حظك مع الايام ياشيخ قام=أشكر الله ونفسك عز من شانها

انت قلبك هواوي فيه وسم الغرام=تعشق الي كثير الناس خلانها

حضنا معتلي قايم له الفين عام=والمراجل كسبناها بميزانها

صحت السنتكم كلكم مبدعين


تستاااااهلون الوقوف عند ما تكتبون


بيض الله وجيهكم

ياكثر ماسمعنا العلم يابن الكرام=والحقيقه نبا نعطيك عنوانها

ياجري الدم مابين اللحم والعظام=والفرس ماتخدم الا بفرسانها

بندر المرشدي

حياك على المرور

وجهك إبيض


لك تحيآآآتي,,,,