،،،طــبـــــــــع الــمـــــدن ،،،

هاض الخفوق وفاض قافي وغـنـيــت = غنيت من شغل التفاكير وإنتـــــــــــاج

من عقب ما شفت البدو يوم مــــريت = مجلاسهم طيب ونقاء وفلة حجـــــــاج

يا ليتـنــي عـايش مع البـــدو يالـــيت = ولا عشت في ديرة هل الضج و إزعـاج

لامن طرى للفكـــــر طــــاري تمشيت = أطلق عنان الرجل مع كل منهـــــــــاج

أمشي وأسج بخــاطري يــــوم عديت = بين الفياض الناظـــــره طب وعــــلاج

ولاجاء العصر جبت الدلال وتقهويت = فوق الطعوس اللي لها البال محتــاج

والـفـجــر لا نـــادى المنادي وصليت = القا الجماعة وإقصراء البيت أفــواج

وعقب الفــرايـض للمعـــــازيم ناديت = في مروبع العمدان والصبح فجــاج

وصفر الدلال إتــعــد والـنــــار شبيت = وأسمع رنين النجر والنار وهـــــــاج

ودارت ســــواليـفـــن على ما تمنـيت = والعود الازرق عاثي وجاله عجــــاج

مليت أنا من زحـمـت المــدن مـلـيـت = مليت من روتين لاهين و إحــــــــراج

الـكــل يـدبـك كل ما أصبحت وأمسيت = منطوقهم مشغول ومزحـــوم الادراج

ما كـنـي بــوسط العرب لـو تهقويت = كـنــــي غريب مطوق بسور وسياج

الوضع مزري ومن سبايـبـه عـانيت = حالي إ نـبــرا وأرجي من الله الافراج

طبع الدن شايك وانـا طـبـت وأزريت = بــأ قضـي أوقــاتي مع الليــــل بسراج

من لامني وأعـلـن بيــانه مـن البيت = أقـــول بيـتــك مـرصــد بكـم مــــــزلاج

انشهد رائعه صح الله لسانك وعلا شانك

ولا تحرمنا هالقصيد الجميل والابداع عساك على القوه

تقبل مروري وردي المتواضع ( متابع )

دمت بود

صح بدنك يالخاص

وبيّض الله وجهك

والف شكر لك مع التحية والتقدير ،،،

..
.
علم ٍ طيب ياسعود وانت كفو ..
...
صح لسانك ...

ياسعود كلنا ودنا باللي تتمناه وان شاء الله يجيب الله الربيع.. وتزين العلوم كلها..
اتمنى لك التوفيق دائما..

الله آكبر

سعود صح لسانك يابحر

كلنا ذاك الرجل ياغاااآلي

دمت متآلقاا

محبك

,’

..

الله الله يا سعود ..

صح لساااااااااااااانك واعتلا شاانك ..

قصيدة جزله ومعبره يالغالي .. ولاهنت ..


ولا تحرمنا من جديدك ..

:)

أخوك

صحة ابدانكم جميع

والف شكر لكم مع تقديري لمروركم المميز

تحياتي ،،،