الشعر له معـنى.. والكل يسمـعنا....
احمد الزايدي05-Aug-2008, 08:03 PM
الشعر له معـنى.. والكل يسمـعنا=وحـنـا تجـمـعـنا..في حلة أعتيبه
نشري ونبتاعـي..وقلوبنا اوساعي=وماللحكي داعي..والطيب نحريبه
$ الحــيــران $05-Aug-2008, 08:22 PM
إذا سمحت لي ودي أستفيد منك
استلم ::
في منتدى الهيلا 00 جيلٍ بعد جيلا 00 مانقبل الميلا 00 والقاف ياطيبه
الزايدي ضايق 00 من سرعة السايق 00 لكن ماهو رايق 00 واعرف هناديبه
الفهري .05-Aug-2008, 08:33 PM
يالزايدي حياك .. قدم لنا يمناك = ونلعب على معناك .. في حلة الهيبة
الشعر له ميزان .. والفن له فنان = والبيت له بيبان .. الضلع به ذيبه
الفهري .05-Aug-2008, 08:35 PM
الأخ الحيران
العذر منك طال عمرك .
أنا كتب الأبيات قبل أشوف ردك
وأنت وافي ولا عليك تعدي .
$ الحــيــران $05-Aug-2008, 08:37 PM
يارب تسلم الفهري
ياكثر ماتحصل لي وأنا أخوك
تمون إذا ودك تكمل يالغالي
الشــاهد05-Aug-2008, 08:38 PM
احمد الزايدي05-Aug-2008, 08:55 PM
الـعـز لعـتيبه..قوم لهم هيبه=شبـاب والشيـبه..طيب تماري به
والزايدي كاسب.. مايترك الواجب= وحلالك السايب ..مانته بداريبه
$ الحــيــران $05-Aug-2008, 09:04 PM
استلم ::
العز حناله 00 وعتيبه رجاله 00 والرجل من خاله 00 تصفى مشاريبه
الزايدي سنافي 00 مع ربعنا وافي 00 لكن متعافي 00 وضاعت مطاليبه
الفهري .05-Aug-2008, 09:21 PM
ياسلام ياسلام
تراني في صفك يالحيران .
احمد الزايدي05-Aug-2008, 09:43 PM
تـاريـخـنـا عـانـه.. نـحـيـا عـلــى شــأنـه=والـطيب عنوانه..وحنا نماريبه
خلك معي صاحي ..وعطيك أنا وشاحي=ماني بسفاحي..جيب اللي تجيبه
$ الحــيــران $06-Aug-2008, 01:07 AM
استلم ::
الباب جنب الباب 00 حنا ترانا أقراب 00 والزايدي لو جاب 00 نقرأ مكاتيبه
بنادي القاضي 00 حكمه ترى ماضي 00 من لاغدى راضي 00 نكسر مشاعيبه
$ الحــيــران $06-Aug-2008, 01:09 AM
$ الحــيــران $06-Aug-2008, 01:10 AM
جندي لاهنت على مرورك العذب
احمد حامد الزايدي07-Aug-2008, 08:23 PM
صحت الألسن والقلوب
...
رائعين ولاغرابه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
