الصداقه

هذه قصيده لشاعر/سلطان بن فيحان المرشدي



لاصار مقصود الصداقه على شي=أشطب عليها واطلب الله عوضها
أبعد عن اللاهوب وازبن على الفي=هذي نصيحه واللبيب يحفظها
مايرجع الميت ولو يبكي الحي=واهل المرض لابد يطلع مرضها
صداقة الأهداف ماهيب تبطي=ولا تنفعك لو بالوفا تعترضها
ميثاقها من شان تاخذ وتعطي=وان وقف المشروع كلن رفضها
مثل السراب اللي من البعد يزمي=من طردته كم من نفوسن قبضها
إن كان ماجات الصداقه كما الضي=على نقاها ماتفاخت بعضها
ماهي تسير شوي وتدقر شوي=ولا تضيع إليا تحقق غرضها
ولا يغطي حسنها جوهرن سي=واليا نهضها ذاك هذا نهضها
ودليلها تضرب على الجم برشي=فالمرتفع ماعاينت منخفضها
نصيب في بعض الهقاوي ونخطي=مير التجارب مستمرن وعضها
وصداقتن في قدرها ناجح وني=أما تفلها ذاك هذا لفضها
فيها نفاق وغش ومخادع وغي=صداقتن حب المصالح فرضها
وقت الرخا ينشدك تامر على شي=اوقت الشدايد منك كفه نفضها


سلطان فيحان العرط المرشدي

صح لسانه ولسانك


يعطيك العافية


شاكر لك

لاهنت و صح الله لسان المرشدي

صح لسانه ولسانك


يعطيك العافية


ودوم التوفيق

صح لسانه ولسانك

يعطيك العافية..

شكرآ للجميع

صح لسانه

وصحته يديك


فعلاً على ماقيل ( الصديق وقت الضيق )

سيف

شكرا لك

صح لسسان ابن عمي وصح لسان ناقلها والف شكرا على نقل القصيده الجميله وتقبل مروري

الله الله



صح الله لسااان المرشدي على هذه الرائعه ..



ولاهنت يابو نايف على النقل الرائع



تحيتي لك
..