سلام الله سلامٍ يفرز الشعّار تحت و فوق .. ابن سرحان حياك الله !!

سلام الله سلامٍ يفرز الشعّار تحت و فوق=عسى اللي تحت تطلع فوق و اللي فوق تهنابه
يبن سرحان ويش السر في كلمة اسير الشوق=بعد ما صار شوقه بين خياله و ركابه

الله الله
صح السانك

وصح السان ابن سرحان

اكيد جاي السرحاني

والصف صفه

صح لسانك مبدع

ملاحظه: في الشطر الاول للتوضيح فقط كلمة {فـوف (التصحيح)فوق} وفي انتظار ابن سرحان

عابر سبيل - ولد النير


الله يحييكم ملايين


و شكرا على التنويه

..

.

يبن سرحان ويش السر في كلمة اسير الشوق
بعد ما صار شوقـه بيـن خيالـه و ركابـه



الله الله ... ياشهراني ... صح لسانكـــ
وننتظر ابور يـــان ...

والتعديل تم .....
...

اسفرت وانورت والله يالراااي الشهراني ..

حياكـ .. الله .. ومن طول الغيبات جاب الغنايم ..

ابداااع جميع ماتقدمه .. وشهادتي فيكـ مجروحة ..

صح لسانك .. ولسان الدكتور ابن سرحان ..

تقديري ..!!!

ابو حمدان - الدجيماء



ارحبو تراحيب المطر و الله يحييكم



في انتظاار حبيبنا ابن سرحان

هلا يامرحبا بالتاجر اللي دوب طب السوق = غشيم ولا نبا نخطي علاه ونكشف احسابه
اله عامين لكن ما تغذى من حليب النوق = يحسبنه على العد القراح ايزاحم عتابه

كلام يابن سرحاان ..

رد وافي وقوي وغير مستغرب ..

صح لسانك يالذيب ولسان الشهراني ..

متااابع ..!!!

عابر سبيل \ ولد النير

مرزوق بن حمدان \ الدجيما


بيض الله وجيهكم على المتابعة والاطلاع "

هلا يامرحبا بالتاجر اللي دوب طب السوق = غشيم ولا نبا نخطي علاه ونكشف احسابه
اله عامين لكن ما تغذى من حليب النوق = يحسبنه على العد القراح ايزاحم عتابه


الله الله

رد في محله ياسلام سلم

هذا الكلام

يدوم الك البقا لو كان راسك يالزمن محلوق=تركد قبل تنشب في علومٍ مالها جابه
لزوم الوقت يكشف لك من الراكد من المطفوق=و تكشف كيف صار الليث حكمه يشمل الغابه

يابن شهران حنا نعرف الوكري من الغرنوق = من اعيونه و فزة هامته وامواس مخلابه
تدورلك حقوق من الزمن وانته علاك حقوق = ترى بعض الجرايد تنقل الاخبار كذااااابه

الدجيما حييت مره ثانيه ومتابعتك نوماس "

عابر سبيل "

عساني ماعدم متابعتك واطلاعك ومرورك الفخر "

..

لزوم الوقت يكشف لك من الراكد من المطفوق
و تكشف كيف صار الليث حكمه يشمل الغابه

مبدع يالشهراني

...

تدورلك حقوق من الزمن وانته علاك حقوق
ترى بعض الجرايد تنقل الاخبـار كذااااابـه


وش اقول وش اخلي يابو ريان ...
ابداعك يرجح بكل ميزان

.....

مرورك فخر يابو حمدااااان الله لا يحرمنا منه "

الله الله الله




صحت السنتكم وقلوبكم


طبعا متابعين

يا سلااااااااااااااااام يا سلااااااااااااااام

هذا الشعر اللي يستحق المتابعه

بدون قصور في الجميع

متاااااااااابع للابداع


وفي صف ابن سرحاااااااااااااان

ولا يهون الشهراني

نعم للنصح و الارشاد لا و القين لا للبوق=و كلٍ عند ربه يوم بعثه ينظر كتابه
سمعنا قالو ان الماس من خزنة حمد مسروق=و بعد الكشف و التحقيق صار الكل نهّابه

جياكم الله جميعا


و مرحبا بكم


و مشكووووورين

الله الله الله




صحت السنتكم وقلوبكم

حياك الله يا سلطان و مرحبا بك


و الابداااع في مرووووووووورك

ماشاء الله تبارك الله ..

هذي هي المتعة والفائدة المطلوبة ..

الشهراني : لاتصدق في ابن سرحان تراه صادق ..

متااابع وفي انتظار الدكتور والعملاق ابن سرحان ..

صحت الالسن والقلوب ..!!!

حياك الله يا الدجيماء


و ابن سرحان استاذنا و نتعلم منه الطيب و الفائده


لكن لا بد من الحك شوي

سرا من شاعر المليون بالمليون بدر صفوق = وخلق الله تصوت والمصوت تعبت اعصابه
وانا قلك ليا ثبتها علمبها مرزوق !!!!!!!!!!! = يقولون امس يضرب فالجمووع براس مشعابه

سعد العصيمي "


مرزوق الدجعيد "


سلطان بن دحيم "



مروركم فخر ومتابعتكم نوماس "

الدجيما \\\

اررررررحب وللعب بدونك ماله روووح

تقوله و انت خابر ويش سر المركز المرموق=على شانه تغني القوم خطابه يا خطابه
تراها واضحه قدام عينك يا كبير الطوق=تجاهل وانت ما غرك نظام ابليس و احزابه

الله الله

نعم هذا هو الابداع

ابن سرحاااااااااان

لاعدمناك يالقرم

الشهراني صح فكرك

متاابع

حياك الله يا عابر سبيل


مرحبا بك


و صح بدنك

وانا قلك ليا ثبتها علمبها مرزوق !!!!!!!!!!! = يقولون امس يضرب فالجمووع براس مشعابه



تراها واضحه قدام عينك يا كبير الطوق=تجاهل وانت ما غرك نظام ابليس و احزابه


لله دركما .. نعم نعم ..

تجاهل ابن سرحان . + اصرار الشهراني ..= قمة المتعة ..

أبتابعكم لين تسرون .. والله انه ماينتفوت ..

متاااابع .. للفاائدة ..!!!

هذا شيخ القبيله مادرى عن رزك المحروووق = اجل ماتدري اللي قبلك اخطا ويش سوابه
ليا مني ربطتك بالحبل في داخل الصندوق = تبا ترضى بشي ماقدرت العام ترضابه

اشهد بالله انك وافي و لا فيك حيله يا الدجيماء


مشكووووووووووووووووووووووووووووووووور


مشكووووووووووووووووووووووووووووووووور

تصبح على خير يا استاذي ابن سرحان


شكرا و لا هنت


و العذر و السموحه



فمان الله يا فايز ترا مطرودكم ملحوووووق=و شيخ القوم يبقى طال عمرك حاكم اللابه
عطاك العود كلمه لجل تستر ثوبك المشقوق=تجاهلت الكلام و رحت تتبع بوش و اذنابه

بيض الله وجهك ياعلي وتراك شرفت اخوك بدعوتك وقدمت له الفايده والمتعه


تصبح على خيييييييييييير "

حتى الختام ختام من نوع اخر .. فيه من ابداع ونغزه حلوة ..

صحت الالسن والقلوب مدد بلا عدد ..

الدكتور + النابغة الشهراني ..

فعلاً .. أمتعتونا وأجبرتونا على المتابعة ..

لاتحرمونا شوفتكم .. الله لايحرمناكم ..!!!!

ههههههه

تسلم الأفكار وصحت الأنامل ..

حياكم الله جميعا


و مشكووووووورين

بيض الله وجيهكم جميع على المتابعة والتعليق "