مجاراه بين شاعرين من شعراء قبيلةالجذعان

هذه قصيدهـ لشيخ / بدر بن مناحي بن جدي بن زريبه مجارهـ لقصيدهـ الشاعر الكبير / مدله بن عبد الهادي الضميان الجذع في المرحوم الأمير الشيخ/ جدي بن مناحي بن زريبه رحمه الله وغفر له و اسكنه فسيح جناتهـ .

قصيده الشاعر / مدله الضميان.



يابدر زيـزوم السـرب مانسينـاه=الصوره الرمزيه أدمـت جروحـي
شيخاً مضاريبه على هامة اعـداه=الى صار براق التحـدي يلوحـي
الى انتهض كل المعاديـن تخشـاه=من ضربته دم المعـادي يفوحـي
ضلعه شبيه طويق ماهتز مرسـاه=الى كبرت القاله رسـا مايبوحـي
شيخاً على العليـا تمركـز امبنـاه=من طوبة الامجاد شيد اصروحـي
ياكبر شرخـاً فـي عتيبـه تقفـاه=لو طالـت الايـام عيـا يروحـي
فقيـد لعتيبـه لـه الفعـل والجـاه=يارد على الصعبات عكس السنوحي
كم واحداً شاف الفرج مـن محيـاه=كم من سجيناً فك منـه الشبوحـي
كل الفعول النـادره مـن مزايـاه=صعباً علـى اعـد فعلـه بلوحـي
يالله تجعـل جنـة الخلـد مثـواه=يامنجيـاً لـوح السفينـه بنوحـي


************
قصيدهـ الشيخ / بدر بن مناحي بن جدي بن زريبه.







ياكيف أجل ياكيف ياكيف أبنسـاه=يا أبو فهد إلا ان تناسيت روحـي
تبا تمـر سنيـن وسنيـن ننعـاه=حيثن مثلـه صدمتـه ماتروحـي
ما أقول غير اطلب من الرب مولاه=يعوضنا بصبرٍ يداوي الجروحـي
يجعل بعالي جنـة الخلـد مـأواه=إلا هنا منـزل تبـارك ونوحـي
لو أمدحه واجيب مدحي من اقصاه=موفيت في مدح الحصان الجموحي
جدي وياوجدي على جدي وجـداه=أقولها من جـد ماهـي مزوحـي
شيخ السرايا اليا وقف كلن اطـراه=يسقي عدوه صاف سـم ذحوحـي
والختم صلوا عد مزن نثـر مـاه=على النبي واعداد بـرق يلوحـي

صح لسان ابو فهد وصح لسان الامير

والله يرحمه فقيدة عتيبه الشيخ جدي بن مناحي بن زريبه

وشكرا لك على النقل

أسأل الله أن يرحم الشيخ والجبل والهامة الكبرى : جدي بن مناحي بن زريّبه
وصح لسان أبوفهد .. وأبو مناحي