الكزس

يالله طلبتك يا عليم ٍ بالاحوال = ما غيرك احد ٍ حي حنا طلبناه
تفرج لقلب ٍضاق من كثر الاهوال = ضاعت سنينه ما لحق غاية مناه
الله على اللي مشيته تشرح البال = عز الطلب كم قرب البعد ممشاه
من نوع لكزس فل في كل الاحوال = يازين تصميمه ويا بعد ممساه
له نصبة ٍ يفخر بها كل رجال = وفعل ٍ شهد به من يسوقه ويقناه
يشريه راعي جاه واصحاب الاموال = ماهي خساره فيه بالفعل والجاه
كنه ليا اقبل من صناديد الابطال = يصب عمره ما يهاب الاملاقاه
يفز فزة قايد الجول بهبال = ما ينطرح عاصي ولو زان مرماه
نوره ليا منه كشح طيَب الفال = برق ٍ تلالا يذهب الشوف ما قواه
اليا اعترض جذاب بالوان واشكال = كم واحد ٍ ليا شاف نوعه تمناه
واليا تجاوز يسبق الريح ينهال = سواة نجم ٍ هال من دون مجراه
كل الحلا والذوق والحسن ينقال = في داخليه راعي الفن سواه
ديكورعاج وطارته مالها امثال = ليا حولت بالحظن والسلف محلاه
في شاشة التوجيه وحساب الاميال = مشبوك بالاقمار فخمه مزاياه
وصوت ٍزها بالغنج يشرح عن الحال = عبر الفضاء ترشد دليله ليا تاه
كن المراتب حظن فاتنة الدلال = ضمت عشيقٍ زايد الحسن يزهاه
هذا هوى من جاه فالقلب ولوال = يكفيه ما جاء له من الوقت ماجاه
لو ما الحيا دمعه على العين همال = هاجوس يقبل به وهاجوس وداه
يا عاذلين القلب عن صد ووصال = القلب يجزع كل ماحل طرياه

الاخ متعب
قصيده جميله جدا في الجيب اللكزس واسأل الله ان يرزقك بما طلبت
ولك تحيتي

صح لساااااااااااانك