محاورة بيني وبين الشاعر / عبيدالله عالي الهذلي

بسم الله الرحمن الرحيم
السلام عليكم ورحمة الله وبركاته
هذه محاورة بيني وبين الشاعر / عبيدالله عالي الهذلي



بدع الشاعر / فهد النفيعي

ياسلامي لرجال العوارف كل حين=ياعبيدالله رجال(ن) محب افراقهـا
ياهذيلي وشبقي مـن علـوم الأوليـن=باق(ن) شجرة وحيدة تحت اوراقهـا



رد الشاعر / عبيدالله الهذلي

مرحبا ترحيب وافي بمن مد اليمين =شع نوره كنه الشمس في مشراقها


ويش اقلك يافهد وانت رجالا فطين=عرقهافي الارض ثابت ولين ساقها



بدع / فهد النفيعي

البقـا ياللـي ترحـب علـى منهـج و ديـن=عـدّ مـن يسبـح بـحـور الشـعـر و أعماقـهـا
ودنا ناكل مع أهل الوفا سمن و سمين=ميـر بعـض النـاس قامـت تـدس أرزاقهـا



رد / عبيدالله الهذلي

ياخذ الطيب نصيبه في صف الطيبين=وانت لاتنظر خيام العرب وارواقها

الحسد لم يخلق الا مع ابليس اللعين=والقلوب السود شيطانها مستاقها



بدع / فهد النفيعي

الليـالـي شيبتـنـا عـلـى زيــن(ن) و شـيــن=وايـش اسـوي فالبـدو لـو تطـش أطباقهـا
الحسـد صفـة ذميـمـة يــا سـيـد العارفـيـن=وايش اسوي في كبود(ن) يزيد احراقها



رد / عبيدالله الهذلي

انت لا تبني على الشك وتكب اليقين=باينه سحابة الصيف من براقها


مير قل لي ويش حصلت من غبر السنين=ويش اخذت من المدن يوم جيت اسواقها



بدع / فهد النفيعي


ما دخلني شك لا من يسار و من يمين=فـرق بيـن النـاس فـي قولهـا و أذواقـهـا
كاسبين المرجلـة مسلـم مـع المسلميـن=يوم رووس القوم تخضع تحـت حلاقهـا



رد / عبيدالله الهذلي

ياعلاقة حب بين المحقق والسجين=شفت بعض الحب للناس قص اعناقها

والله اني شفت قفزتك ياليث العرين=واحسب الاحداث في جلها وادقاقها



بدع / فهد النفيعي

قالوا أهل العرف تكرم مدينة لاجل عين = تخطي العربان يغفر لها خلاّقها

بانيـ(ن) ساس المعرفة على حرز مكين = و اركب الخيل الأصيله نهار سباقها


رد / عبيدالله الهذلي

يابدو لاتخلطون الهدير مع الحنين=خلوا البدوان تحلب حليب انياقها

خل عنق الريم يرعى رياض العاشقين=والامم مابقيت الا بحسن اخلاقها


بدع / فهد النفيعي

بعد مادارت رحاها غدى حبه طحين = بان كذاب البشر عندنا و صداقها


صادق إن الريم تفتن رجالـ(ن) واردين = شوق من شاف البنادق على معلاقها



رد / عبيدالله الهذلي

انا راكب لي شبح وانت راكب لوموزين=مامعك حق المصاريف ياسواقها


قام شد الحبل بين النحيف والمتين=والسفينه في البحر تو حان اغراقها



بدع / فهد النفيعي

الشبح طيب و أنا موتري من عند زين = و الرصيد يزيد و الناس كيف أشواقها


بعد ما غبتوا عن الساحة و جيتوا منين = تحسب إنك فارس القوم يا بواقها



رد / عبيدالله الهذلي

فيك مشي الذيب والطبع طبع ابو الحصين=بعد شفت اطيور شلوى وشفت اخناقها

النفيعي فك بابه يدور لأكسجين=لين خلى كل عذرى تطش انطاقها



بدع / فهد النفيعي

والله إني ما غدى لي مع العربان دين = كم و كم من لحية(ن) فالحروب استاقها

ابتدينا و نتهينا على قافـ(ن) ثمين = الورورد الطيبة سايقيـ(ن) أطواقها



ارجو ان تنال رضى الجميع
تحيتي

صح لساااانك يابو رحيم .. مبدع ورائع


وصح لسان الهذلي ..



تحيتي لك
..

هلا غلا اخوي شرفني مرورك إحتراااااااااااااامي لك