ياجعل رجالن على الطيب ربّاه ،، في جنة الفردوس خال الهمومي

بسم الله الرحمن الرحيم

السلام عليكم ورحمة الله وبركاته ..

القصيده هذي وصلتني من شخص غالي وهو :


مصلح بن رجاء الـمباركــي

ويقول :

سلام ياللي لاقسى الوقت نلقاه
تسلم يامقبل جعل عمرك يدومي

شيخن ليا جات المهمات ننصاه
حرن وقسمه من خيار القسومي

دون الرفيق تسد بالحال والجاه
ياقوّ عزمك ياقوي العزومي

مايجحد فعلك ولا يمكن انساه
وماينكر المعروف غير الرخومي

اسطّر ابياتن لمثله وشرواه
نجمن سطع بين ذيك النجومي

رجلن ليا منّه بغا الطيب سوّاه
يتعب ويثني فالطلب و اللزومي

واللي يقدم طيب و تجود يمناه
جزاه بيدين الغفور الرحومي

.. ورديت عليه بـ هذي الأبيآت ..

يامرحبا ياللي على العز ممشاه
حييت يامصلح ياذخر القرومي

قرمن على جزل المبادي عرفناه
يعط الجزل وعن الصغاير يشومي

ياجعل رجالن على الطيب ربّاه
في جنة الفردوس خال الهمومي

رجاء ليا قلنا رجاء مانسيناه
ذرا الجماعه وقت لفح السمومي

ياقرم ياماشي على الدرب بخطاه
وللمرجله مبداك عالي الرجومي

يالطيب اللي ياعسى اللاش يفداه
مثلك يابو بندر كزام الخصومي

حنا سندك العد هداج برشاه
اجبد بكل اللي تبيه مخدومي

ابشر بباورن على البحر مرساه
كما الجبل ما حركه الغيومي

واللي عطاه الله لالعبد يرضاه
مقسم ارزاقه وستره يدومي

والمسعد اللي تالي الليل صّلاه
هذاك رقمه فاق كل الرقومي

واوصيك ترا الصدق لالعبد منجاه
وغيره كما غصنن به الريح يومي
وخوّة ضعيف الدين حذراك ويّاه
تراه دميه غطت بالهدومي

وصلاة ربي عد مزنن بمنشاه
على نبيه عد خلقن تصومي


وسسســـلآمـتكــم ،،

صح لسانه

وصح لسانك

قصائد رائعه

تقبل مروري

صح لسانك يبو سلطان وصح لسان ابو بندر تقبل مروري ىالغالي

مقل المباركي

صح لسانك ياخالي وبض لله وجهك

والحقيقة انت ابدعت ومصلح ابدع

ولااملك الا ان اقول بيض الله وجيهكم جميعاَ

تقبل تحياتيي ياالخال

,,


صح لساانكـ


وصح لساان مصلح رجا فهو زميل لي بالعمل وتوي ادري انه شاعر,,