مـدام كبـدي من الزحمات مندبــلــه

السلام عليكم ورحمة الله وبركاته

قصيد ارجو ان تنال اعجابكم


مـدام كبـدي من الزحمات مندبــلــه ..... ياعاذل القلب ماسمع صـوت عــذالـي
ارتـاح لاشـفـت جـــوٍ يـطّــرد ربــلــه ..... فيه ام سالم تـزج الصـوت وتــلالـــي

راع الغنم ما وطاه واللي يسوق ابلـه ..... ماطبها الا الـوحش له فـيه مقـيـالـي
انصـاه واشّــب ناري فـيــه بـالعبلــه ...... اصلح الكيف فيه وينــشـرح بــالــي

كيف يداوي عماس الراس ماقبلـــه ..... الا خلاص الحسـاء من قبل فنجالـــي
واشم صاف اكسجين هب من قِبلــه ..... ماكربنـته الـعـوادم ينعـــش الـحــالـي

لاهــب والــنــو تــوه واقـفـن وبـلـه ..... في واديٍ قِدم عـيـني تـو مـاسـالـي
معي نشامً عــلـى المـقناص مـنجبله ..... نوبً جنوب الديار ونـوبً شـمـالـي

سوات عنتر على محـبـوبـته عـبلـه ..... اللــي بـسبـبـهـا جـرالـه كل غربالي
ولا الخبل يستريح مقـابـل الـخـبـلـه ..... ماشفق على خوتـه ولا بـيه يـبـرالي

اللي عـلـى شانـهـا بـيسـاره الـدبـلـه ..... في ذمتي مايـجـي رقـمـه بـجوالــي
قدامها طالبة في الـفصـل قـدم أبلـه ....اليا رفعت صوتها يعطى الخلا الخالي

صح لسااااااااااااانك على الابيات

..


وصف جميل ورائع


وشعر رائع ايضاً..



صح لساااانكـ....

ولا الخبل يستريح مقـابـل الـخـبـلـه ..... ماشفق على خوتـه ولا بـيه يـبـرالي

اللي عـلـى شانـهـا بـيسـاره الـدبـلـه ..... في ذمتي مايـجـي رقـمـه بـجوالــي




صح السانك يامطلق

صحة ابدانكم
وشرفني مروركم

صح لسااانك وبيض الله وجهك على هذه الابيات الراااااااااااائعه

صح لسانك على القصيده الرائعه

ولاكن ماكل ما يتمنى المرؤ يدركه

الله يجيب المطر علشان العلوم كلها تزين