ما عليكم زود

صفى البال دام الوصل مابيننا ممدود
وسج الفؤاد ونبرة البيـــــــن ممدوده

ونوض خفوقي ما حصل ف الليالي السود
وتــــاه الفكر والفرقــديــــن اكــبر اشهوده

يخًـــــيم عليه احيان قيفً وهو مجرود
وهم مربعين وتالي الوسم بعقوده

وسرت ليلته كنها ثنايا بمبسم خود
تهيًض لناس ليلهم كانوا ارقوده

اسًير عليهم والجهد دونهم محدود
والى جيتهم كن خافقي تكبر احشوده

ولفت الفيافي لن فيها نحيل العود
يسابق خياله كنه ايسابق افهوده

ماهو ببدوي لكن يسًير لهم ويرود
وخـــذ اطباعهم من كثر ماقلبه يقوده

يحب القنص رغم انه اعزل نحيل اعضود
وله بدوةً ماهـــي فا لازوال مشــهــوده

احبه رغم كبري وهو اخر العنقود
وهو حبني يا جعلني مانحرم زوده

اضمه كما ماضم عود لحاة العود
وهو عادني وانا على كيفه اروده

تسابقت انا وياه واقفى وانا مهدود
وكنه لمزني ( لا ) وربي لجا جوده

غمرني بلطفه واعتذر واعتزى للقود
وانا اللي ذبحته ساعة افلست مجهوده

يقولون الى طاب الهوى كب عنك الزود
ترى كل نفس بلحظه اتحس بالزوده

ويا بن ادم الأيام لك او عليك اتعود
وخير الأنام اللي كفى الناس منقوده

الى قيل نشمي ردها ( ماعليكم زود )
وخذها على نيه سليمه ومحموده

والى قيل جعلك في الخفا مرتعن للدود
على نفسك اعتب وادرك انك بلا فوده

ترى كل شي له شي يناسبه في المجهود
ولا تفتــــخر ما دامت اقواك محدوده

وترى المال واجد والزكاه اطهر الموجود
والأمال ممدوده والاجال محدوده

ومن شيًخ اشباه الرجال القموه احيود
وشتان مابين ( احمر ) العين وخدوده

وانا اقولها ودروبنا في السهود امهود
شف الفرق بين اقفاية العمر ووروده

يود الفتى مما جرى له لو انه عود
ومن شاب راسه يبكي ايام مفقوده

ومن حبنا جيناه لو كان فوق النود
ومن عافني عفته والافعال مردوده

الى شانت الدنيا وجت بيضها كالسود
تأكد بها حاسد وبه ناس محسوده

ومن عمنا بالخير جيناه بالموجود
ويد نديه خير من خمس موءوده

صح لسانك
قصيده جزله من شاعر جزل